Late 99:7 - Tedim Bible

⁷ Amah in meii khuampi sung pan amaute tungah thu gen a, ama teci pan’nate leh amah in amau tunga a thukham piakte amaute in zui uh hi.

Tedim Bible Revision 2017

⁷ Amah in meii khuampi sung pan amaute tungah thu gen a, ama teci pannate le amah in amaute tungah a thukham piakte amaute in a zui uh hi.

Late 99:7 Referans Kwoze

Paikhiatna 33:9

Puanbuk-ah Moses a tum ciangin meii khuam hong kumsukin puanbuk kongkhak-ah ding a, Topa in Moses tawh kiho hi.

Gamlak-vakna 12:5

Meii khuam sungah Topa hong kum sukin, kikhopna buk kongah ding a, Aaron leh Miriam sam hi; amaute gel mai lam nehin hong pai uh hi.

Thu-hilhkikna 4:5

En un, note in luah dingin na lutna gam sungah na zuih dingun Topa ka Pasian in kei hong thupiak bangin thukhamte leh ngeina kipte kong hilh khin zo hi.

Hebru 3:2

Moses in Pasian’ innpi sung khempeuh ah a diktat mah bangin Zeisu in amah a koihpa mai-ah a diktat hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Late 105:28

Amah in khuamial sawlin, leitung khimzing sak hi; ahih hangin Izipt mite in ama thu langpang uh hi.

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.

Paikhiatna 40:16

Tua mah bangin Moses in hih hi; Topa in amah a thupiaksa khempeuh tawh kituakin amah in hih hi.

Paikhiatna 19:9

Topa in Moses' tungah, “En in, nang kong hopih ciangin mite in a zak theih nading leh nang zong hong up tawntung nadingun meii sahpi sungah nang' kiangah kong pai ding hi,” a ci hi. Tua ciangin Moses in mite’ thugente Topa' tungah gen hi.

Gamlak-vakna 16:15

Moses heh mahmah a, Topa kiangah, “Amau’ biakna thupi ngaihsut kei in. Amaute tung panin la khat zong la loin, amaute khat zong ka siasak kei hi,” a ci hi.