Late 99:3 - Tedim Bible

³ A lian a kihtak-huai ama min, mi khempeuh in phat ta hen. Amah siangtho hi.

Tedim Bible Revision 2017

³ A lian a kihtakhuai ama min mi khempeuh in phat ta uh hen. Amah siangtho hi.

Late 99:3 Referans Kwoze

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Thu-hilhkikna 28:58

“Hih a minthang, zahtakhuai min, Topa na Pasian uh na kihtak theih nadingun hih laibu sunga kigelh hih thute lim takin zuih ding na ngaihsut kei uh leh,

Late 111:9

Amah in a mite hong honkhia a, amah in a tawntunga dingin thupiakna a bawl khin hi. Ama min, siangtho-in kihtak-huai mahmah hi!

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.

Johan 17:11

Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.

Late 145:17

Topa pen ama sepna khempeuh ah thutang a, a gamtatna khempeuh ah hehpihna nei hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Nehemiah 4:14

Mite’ launa ka muh ciangin, uliante leh mi ukte leh mikhempeuh tungah, “Amaute kihta kei un. Na sanggamte, na tapate, na tanute, na zite uh leh na inn na lote uh adingin hong dosak, a lian a kihtak-huai Topa phawk un,” ka ci hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah na thuciamna lim takin a zui, a lian a kihtak-huai Pasian aw,

Joshua 24:19

Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Late 76:1

Judah gam sungah Pasian kithei a, Israel gam sungah ama min lian hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Nehemiah 9:32

“‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Late 100:4

Lungdam kohna tawh ama kongpi-ah lut un la, phatna tawh ama huang sungah tum un; Ama tungah lungdam ko un la, ama min phat un!

Late 103:1

Topa ka phat ding a, ka lungsim khempeuh tawh ama min siangtho ka phat ding hi.