Late 99:1 - Tedim Bible

¹ Topa in uk hi; mihonte ling hen! Amah, Kherubte tungah tu hi; leitung liing ta hen!

Tedim Bible Revision 2017

¹ Topa in uk hi. Mihonte liing hen. Kherub-te tungah amah tu hi. Leitung liing tahen.

Late 99:1 Referans Kwoze

Late 97:1

Topa in uk hi; leitung lungdam hen la, tuikulh neu tampite zong lungdam ta uh hen!

Paikhiatna 25:22

Hehpihna tokhom tung, tecipan’na singkuang tunga om kherub nihte' kikal panin nang tawh ka kituah ding a, Israel mite’ adingin nang' tungah thupiakna kong piak dingte khempeuh nang' tungah kong gen ding hi.

Late 97:4

Ama khuaphialepte in leitung taang sak a, leitung in mu-in a liing hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Mangmuhna 11:17

“Tu lai takin a om, a om ngeizo, Vanglianpen Topa Pasian aw, nang in a lian bel vangliatna la-in na uk ciangin na hehpihna ka phat uh hi.

Mangmuhna 6:14

Van in laidal zial bangin kizial mang hi. Mualte leh tuikulhte khempeuh in a omna uh pan a kinkhia uh hi.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Luka 19:12

Tua ahih ciangin amah in, “Mihau khat in gam dang khatah kumpi za ngah ding leh tua khit ciangin a ciahkik dingin a paikhia hi.

Jeremiah 50:46

A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.

Jeremiah 49:21

A pukna uh gin’ ngaih lua ahih manin leitung a kiliing ding hi. A kahna aw uh San Tuipi dongah kiza ding hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Jeremiah 4:24

Mualte ka et leh kiliing damdam uh a, mualneute kileh kawikawi uh hi.

Isaiah 19:14

Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

Late 18:10

Amah in Kherub khat tungah tuangin hong leeng a, huih khate tungah manlang takin hong leeng hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Late 82:5

Amaute in thu-theihna ahi a, thutelna ahi zongin nei lo uh a, amaute khuamial sungah gamta uh hi; leitung bulpite khempeuh kiling hi.

2 SAMUEL NIHNA 6:2

Tua ciangin David ding-in kherubte tungah a tu, Vanglianpen Topa’ min tawh a kisam Pasian’ thuciamna singkuang tua mun panin a paipih to dingin amah tawh a om mi khempeuh tawh Baale-judah ah pai hi.

1 KHANG TANGTHU MASATE 16:30

leitung mi khempeuh aw, ama mai-ah ling un; hi hi, leitung kip a, kilok ngei lo ding hi.

Late 80:2

Efraim leh Benjamin leh Manasseh mai-ah taangkhia in! Na tha saan in la, kote honkhia dingin hong pai in!

Late 96:9

Puan siangtho silhin Topa bia un. Leitung mi khempeuh aw, ama mai-ah ling un!

Ezekiel 43:7

“Ezekiel aw, hih lai munah ka kumpi tokhom om hi. Israel mite lak hih lai munah ka teeng ding a, amaute ka uk tawntung ding hi. Israel mite leh a kumpite un pasian dang biakna tawh ahi a, a kumpi sisate uh phawk nading mual bawlna tawh ahi zongin ka min siangtho daisak ngei nawn lo ding uh hi.