Late 98:1 - Tedim Bible

¹ Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Tedim Bible Revision 2017

¹ Amah in nalamdangte bawl ahih manin Topaʼ tungah la thak sa un. Ama khut taklam le ama khut siangthote in amah gualzosak hi.

Late 98:1 Referans Kwoze

Paikhiatna 15:6

Topa aw, na taklam khut, vangliatna-ah minthang hi, Topa aw, na taklam khut in galte thehthang hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Mangmuhna 14:3

Tua mite in tokhom mai-a ganhing lite leh upate mai-ah la thak a sa uh hi. Tua la thak zong leitung pana lei khitsa tua mi sangkhat-thenli-tullite sim loh kuamah in a sin thei kei uh hi.

Late 96:1

Leitung mi khempeuh aw, Topa tungah la thak khat sa un; Topa tungah la sa un!

Late 33:3

Ama tungah la thak sa un la, a gingin hoih takin khausai tum un.

Late 96:3

Ama minthan’na, minamte lakah gen un la, ama nalamdang septe, mi khempeuh lakah pulak un!

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Sawltak 2:11

Judah mi ahi zongin, Judah ngeina sungah a tum mite ahi zongin, Krete leh Arab ahi eite khempeuh in Pasian’ nalamdangte eite’ kam tawh hong gen uh i za hi!”a ci uh hi. Amaute khempeuh in lamdangsa-in lung-am uh a, “Bang ahi hiam?” ci-in khat leh khat a kikum uh hi.

Luka 1:49

Bang hang hiam na cih leh, vangliatna a neipa in keima tungah a lian thute hong hih zo hi. Tua pa min’ a siangtho hi.

Jeremiah 31:22

Bang tan vei lungka ding na hi hiam? a zulhzau ka tanu aw, Bang hang hiam cih leh Topa in leitungah na thak khat ka bawl a, numei in pasal a hon zo hi.”

Isaiah 63:5

Hong huh ding mi ka zong a, ahi zongin kuamah om lo hi. Kei hong huh ding a om loh ciangin lamdang ka sa hi. Ahih zongin ka hehna in hong thahatsak a, keimahmah khut tawh ka kigumkhia hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Late 149:1

Topa phat un! Topa’ tungah la thak sa un, a thuman mite’ kikhopna sungah amah phatna sa un!

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Isaiah 59:16

Amah in kuamah mu lo-a, nenniamna a thuak mite a huh ding mi khat beek a om lohna mu hi. Tua ahih ciangin amaute a honkhia ding, leh a dikna a kip nadingin ama khut a zang ding hi.

Late 139:14

Kihtak dingin a kilawm na hih manin, nang ka hong phat hi. Na nasepnate lamdang mahmah hi; Nang in kei nong limtheih mahmah hi;

Late 136:4

nalamdang lian a bawl amah bek a hipa' tungah, bang hang hiam cih leh ama itna kip kho tawntung hi;

Late 105:5

No ama nasem ahi, Abraham suan-le-khak, Jokob’ tate, ama teel mite aw, ama sepsa a lamdang nate, ama nalamdang lahte, a kam tawh ama thukhennate phawk un!

Late 86:10

Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

Late 77:14

Nangmah in nalamdangte a bawl, mite lakah nangma vangliatna a langkhiasak khin Pasian na hi hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Sawltak 19:20

Tua bangin Topa’ thu in vangliatna tawh khang a, a gualzo hi.

Mangmuhna 6:2

ka et ciangin sakol kang khat ka mu hi! Tua sakol tung tuang mi in thal a tawi hi. Tua mi kumpilukhu khat a kipia hi. Amah in zong zoin ahi zongin, zawh nadingin ahi zongin a pusuak hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

Late 72:18

Nalamdangte a bawl amah bek ahi, Israel Pasian, Topa in thupha ngah ta hen.

Late 89:14

Thumanna leh thutan’na tawh na kumpi gam na phut a, itna kip leh thumanna tawh na khempeuh na sem hi.

Isaiah 12:5

“Amah in minthang takin sem khin ahih manin Topa’ tungah phatna la sa un; leitung khempeuh ah hih thu kitheisak un.