Late 96:4 - Tedim Bible

⁴ Bang hang hiam cih leh Topa lian a, nakpi tak-a phat ding ahi hi; pasian dangte khempeuh sangin amah zahtak zawk ding ahi hi.

Tedim Bible Revision 2017

⁴ Bang hang hiam cih leh Topa lian a, nakpi takin phat ding ahi hi; pasian dangte khempeuh sangin amah zahtak zawk ding ahi hi.

Late 96:4 Referans Kwoze

Late 145:3

Topa lian hi, nakpi tak-a phat ding hi a, ama liatna ngaihsut zawh ding hi lo hi.

Late 18:3

A phat taak Topa ka sam a, ka galte kiang panin ka suakta hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 86:10

Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Late 66:5

Hong pai un la Pasian’ sepsate mu un; mite’ lak-a a bawlnate ah amah dipkuat-huai hi.

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Late 76:7

Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

1 SAMUEL MASA 4:8

Gimna ngah hi ta hang! Kua in hih a thahat pasiante’ vangliatna panin eite hong honkhia zo ding ahi hiam? Hihte in gimna a tuamtuamte tawh Iziptte gamlakah a vat gawp pasiante ahi hi.

2 KHANG TANGTHU NIHNATE 2:4

En in, Israelte’ adingin a tawntung ading a kikipsaksa bangin, ama mai-ah a namtui nate ahi paknamtui hal nading leh Ompihna Anlum piak tawntung nading, leh sabbath nite leh khadet nite leh Topa i Pasian’ adingin a kisehsa pawi nite-in zing leh nitakin meihal biaknate piak nadingin Topa ka Pasian’ minin inn khat lamin ama tungah a ap ding ka hi hi.

Late 150:2

A vanglian ama sepnate hangin amah phat un la, ama liat mahmahna tawh kituakin amah phat un!

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.