Late 96:2 - Tedim Bible

² Topa tungah la sa un la, ama min phat un; ni khat khit ni khat ama hong hotkhiatna thu gen tawntung un.

Tedim Bible Revision 2017

² Topa tungah la sa unla, ama min phat un. Ni khat khit ni khat ama hong hotkhiatna thu gen tawntung un.

Late 96:2 Referans Kwoze

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.

Late 71:15

Thuman tawh na hotkhiatna nasepnate sim zawh lohin tam ahih manin sunthapai-in ka gengen ding hi.

Late 40:10

Nangma gupkhiatna huhna ka lung sungah ka im kei a, na thumanna leh na gupkhiatna thu ka gen khin hi; na itna kip leh na thumanna mi honpi tungah ka im kei hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Late 145:1

Ka Pasian leh ka Kumpi aw, nangmah hong pahtawi-in a tawntungin nangma min ka phatphat ding hi.

Mangmuhna 5:13

Vantung, leitung, leinuai leh tui tungah a om a bawlsa ganhing khempeuhte akipan, tua vantung, leitung, lei nuai leh tui tungah a om na khempeuh in zong: “Tokhom tungah a tu mi leh Tuuno tungah, phatna, pahtawina, minthan’na leh vangliatnate a tawntung pan a tawntung dongin om ta hen,” ci-in a phat uh hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Late 145:10

Topa aw, nangma sepsate khempeuh in nang tungah lungdamna hong ko ding uh a, nangma misiangthote khempeuh in nangmah hong phat ding uh hi!

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

Late 145:2

Ni simin nangmah hong pahtawi-in, a tawntungin nangma min ka phatphat ding hi.