Late 96:1 - Tedim Bible

¹ Leitung mi khempeuh aw, Topa tungah la thak khat sa un; Topa tungah la sa un!

Tedim Bible Revision 2017

¹ Leitung mi khempeuh aw, Topa tungah la thak khat sa un. Topa tungah la sa un.

Late 96:1 Referans Kwoze

Late 149:1

Topa phat un! Topa’ tungah la thak sa un, a thuman mite’ kikhopna sungah amah phatna sa un!

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Late 33:3

Ama tungah la thak sa un la, a gingin hoih takin khausai tum un.

Mangmuhna 14:3

Tua mite in tokhom mai-a ganhing lite leh upate mai-ah la thak a sa uh hi. Tua la thak zong leitung pana lei khitsa tua mi sangkhat-thenli-tullite sim loh kuamah in a sin thei kei uh hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

ROM (Romans) 15:11

Khatvei leuleu: “Gentailte khempeuh aw, Topa phat un, mipawl khempeuhte in amah phat ta un,” a ci hi.

Late 68:32

Leitung kumpi gamte aw, Pasian’ tungah la sa un; vantung, tanglai vantung-a tuang Topa phatna la sa un; en un, ama aw, a vanglian ama aw hong gingkhia sak hi.

Late 66:4

Leitungmi khempeuh in nangmah hong bia uh hi; amaute in nangmah phatna hong sak uh a, nangma phatna hong sak uh hi.”