Late 94:4 - Tedim Bible

⁴ Gamtatsiate, bang tanvei kihisak lai ding uh a, a siat gamtatna uh bang tanvei kisialhpih lai ding ahi uh hiam?

Tedim Bible Revision 2017

⁴ Gamtat siate bang tanvei kihisak lai ding uh a, a siat gamtatna uh bang tanvei kisialh pih lai ding ahi uh hiam?

Late 94:4 Referans Kwoze

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Late 140:3

Amaute’ leii in gulpi leii bang a, a thugente uh gulgu bang hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Mattiu 12:24

Farisaite in a zak uh ciangin, “Hih pa in Beelzebub suangin dawite a hawlkhia hi,” a ci uh hi.

Daniel 8:11

Amah in vantung galkap kumpipa nangawn do-in ama tunga kipia nisim biakna piaknate nangawn khawlsakin, biakinnpi biaknate a beisak hi.

Daniel 7:11

Ka et lai takin tua kineu in kiphatsakna kamsia a pau ka za hi. Ka et lailai leh tua sapi lina kithat a, a pumpi meikuang sungah kikhulin a kisia hi.

Daniel 7:8

Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Paunak 30:14

A ha uh namsau tawh a kibang, a ha uh temta tawh a kibang, gam sunga mizawngte a netum, mi cimawhte a liaktum mi pawlkhat om hi.

Late 59:12

Amau kam-a mawhna, amau muk tawh a pauna thu hangin, amau’ kiphatsakna-ah amau mah awksak in. Hamsiatna zangin zuauthu a genna hangun,

Late 59:7

Amaute tua lai-ah a kam uh tawh hawk a, a muk uh tawh zuau gen uh hi—bang hang hiam cih leh, “Kua’n hong za laizang ding ahi hiam?” ci-in amaute in ngaihsun uh hi.

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

JOB (Job) 20:5

migilote’ nopsak hun a tomna thu, Pasian a thudon lote’ lungdam hun a tomna thu thei lo na hi hiam?

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!