Late 94:2 - Tedim Bible

² Tho in leitung thukhenpa aw, a kiphasak mite tungah amau ngah dinga kilawm pia ta in!

Tedim Bible Revision 2017

² Tho in, leitung thukhen pa aw, a kiphasak mite tungah amauʼ ngah ding a kilawm gimna pia ta in.

Late 94:2 Referans Kwoze

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Late 31:23

Topa it un, ama misiangtho khempeuh aw! Thumante Pasian in kem a, ahih hangin a kiphatsak gamtatte nakpi takin thuk hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Micah 5:9

Israel mite in a galte’ tungah a khutte uh lamto-in, a gal khempeuh uh zo gawpin susia mang ding uh hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Isaiah 37:29

Keima tungah nang hehin, na kiphatsakna thu kei tungah hong tung ahih manin, na nak-ah sikkawi bulhin, na kamah kamkaih hong bulhin, nong paina lampi lam mahah nang kong ciahkik sak ding hi,’ ci hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Late 74:22

Pasian aw, tho in la, nangma thu-ah hong pang in; dawi bia mite in sun tawntungin nangmah hong thusim lohna phawk ta in!

Late 68:1

Pasian tho hen la, ama galte kithehthangsak hen; amah a mudahte ama mai-ah tai uh hen.

Late 50:6

Vantung in ama thumanna gen hi, bang hang hiam cih leh Pasian mahmah thukhenpa ahi hi.

2 KHANG TANGTHU NIHNATE 20:12

Kote’ Pasian aw, amaute’ tungah thu khen lo ding na hi hiam? Bang hang hiam cih leh kote do dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Late 82:8

Pasian aw, tho in, leitung thu khen in; bang hang hiam cih leh minam khempeuh nangma’ aa ahi hi.