Late 94:1 - Tedim Bible

¹ A thukkik Pasian, a thukkik Pasian, Topa aw, na hehna hong lakkhia in.

Tedim Bible Revision 2017

¹ A thukkik Pasian, a thukkik Pasian, Topa aw, na hehna hong lak khia in.

Late 94:1 Referans Kwoze

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Nahum 1:2

Topa Pasian in amah a demte koihkhong lo a, amah a langpangte daantatin, a galte thukkik hi.

ROM (Romans) 12:19

Ka itte aw, midangte in note tungah hong khialh leh, a mawhna na thuk kei un. Pasian’ hehpihna na pia un. Bang hang hiam na cih uh leh, “Thukkikna in keima aa ahi hi. A mawhna tawh kituakin ka thuk ding hi, Topa in a ci hi,” ci-in Lai Siangtho in a gen hi.

Isaiah 59:17

Amah in thumanna pen awm dalna lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte daan pia-in thukkikna puansilhin, kinna puan tawh kitun ding hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Hebru 10:30

“Phulakna in keima thu ahi hi, A mawhna tawh kituakin ka thukkik ding hi,” cih leh, “Pasian in ama mite thu a khen ding hi,” cih thu a piapa i thei hi.

Jeremiah 50:28

“Ngai dih un! Topa i Pasian’ thuhkikna, ama’ biakinnpi hang-a a phulakna thu Zion khua-a tangko dingin ka mite in Babilon gam panin suakta-in a tai uh hi.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Late 50:2

Hoih kicin’na, Zion panin, Pasian hong taangkhia hi.

2 KUMPI NIHNATE 9:7

Kamsang ka nasemte a thahna leh Topa’ nasemte khempeuh a thahna hangin Jezebel tungah phu ka lak theih nadingin na topa Ahab innkuan na satpuk ding hi.

Jeremiah 51:6

“Babilon khuapi sung panin taikhia un; mi khempeuh kisuahtak tek un! Babilon’ mawhna sihpih kei un, bang hang hiam cih leh a mawhna banga a thuak nadingun hih hun in Topa’ thuhkik hun ahi hi.

Jeremiah 51:56

Babilon khua a susia ding mi khat hong pai khin zo hi, A galkapte uh kiman khin a, a thalte uh a tum a tel suak khin hi. Bang hang hiam cih leh Topa in a thukkik thei Pasian hi a, a thukkik taktak ding hi.