Late 92:9 - Tedim Bible

⁹ Bang hang hiam cih leh, Topa aw, na galte en in, bang hang hiam cih leh, en in, na galte beimang ding hi; siatna bawl khempeuhte kithehthang ding uh hi.

Tedim Bible Revision 2017

⁹ Topa aw, na galte si ta ding! Bang hang hiam cih leh na galte bei mang dinga, siatna a bawl khempeuhte kithehthang ding uh hi.

Late 92:9 Referans Kwoze

Late 37:20

Ahih hangin migilote kisia hi; Topa’ galte pen lono etlawm tawh kibang hi, amaute mangthang uh hi—meikhu bangin mangthang uh hi.

Late 89:10

Nangmah in a kithatsa luanghawm khat bangin ganhing golpi Rahab na sugawp a, na thahatna tawh na galte na zogawp hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Mattiu 7:23

Tua bang a hong gen uh ciangin, ‘Note cikmahin kong thei ngei kei hi. Mawhna a hihte aw, kei kiang panin taikhia un,’ ka ci ding hi.”

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

Late 68:30

Pumpeng lak-a teeng ganhingte, minamte’ bawngno lak a, bawngtal honte taigawp in. Siah a lunggulhte tuancil in la, gal a uuk mite, thehthang gawp in.

Late 59:11

Amaute that kei in, that lecin ka mite in mangngilh ding hi; na vangliatna tawh amaute kilok gawp sak in la, amaute niamkhiat in, Topa, komau’ lum aw!

Late 1:4

Migilote ahih leh tua bang hi lo a, huih letkhiat ansi tawh kibang uh hi.

Thukhente 5:31

“Tua ahih ciangin na gal khempeuh si khin uh hi. Topa! Ahih hangin na lawmte pen a vangliatna tawh a suak ni bang ta hen,” a ci hi. Tua ciangin tua gam in kum sawmli sung tawlngakna nei hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Gamlak-vakna 10:35

Singkuang a din’ khiat peuhmah ciangin Moses in, “Topa aw, ding in la, na galte kithehthang sak in; nang hong mudahte na mai-ah tai sak in,” a ci hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lianzaw hi.

Late 102:13

Nangmah tho-in Zion khua na hehpih ding hi; amah na angvan hun ding hi ta hi; a kiciangtansa hun hong tung khin hi.

Late 102:25

Tanglai hunin nangmah in leitung bulpi na koih a, vantungte zong nangma khut tawh na bawlsa ahi hi.