Late 92:6 - Tedim Bible

^6-8 Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Tedim Bible Revision 2017

^6-8 Migilote, lopa bangin sel khia-in, siatna bawl khempeuh a punʼ mahmah hangun, a tawntungin siatna a thuak ding uh ahi hi. Ahih hangin Topa aw, nang pen a sangna ah a om den na hihna thu, lungsimmawl mi in theithei lo a, lungsim tei lo mi in tel thei lo hi.

Late 92:6 Referans Kwoze

Late 73:22

keimah hai-in bangmah ka thei kei a, nangma mai-ah ganhing tawh ka kibang hi.

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Late 49:10

Hi hi, amah in a pilte nangawn a si mu ding a, a haite leh a teilote a kibangin sia-in, amau neihsate midangte’ tungah nusiat uh hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

Jeremiah 10:14

Mi khempeuh hai-in pilna nei lo hi khin uh a, kham sekte khempeuh in a milimte uh a maizum lawh uh hi. Bang hang hiam cih leh a milimte uh zuau hi lel a, naak thei lo uh hi.

Paunak 24:7

Pil kampauna in mihaite’ theih zawh dingin thuk lua a, mihon lakah mihaite in thu gen ngam lo uh hi.

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

Isaiah 1:3

Bawng in amah a neipa thei a, la in ama topa’ an piakna mun thei buang hi; ahih hangin Israel in thei lo hi, keima mite in thei-thei lo hi,”

Paunak 30:2

Ka hai lua a, mihing ka sun kei hi. Mihing bangin ngaihsut siamna ka nei kei hi.

Late 32:9

Kamkaih tawh uk loh-a phamawh, thu theihna nei lo, sakol leh laa bang kei in.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

Late 75:4

A kiphasakte tungah, “Kiphasak kei un,” a gilote tungah, kihisak kei un;

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Late 139:14

Kihtak dingin a kilawm na hih manin, nang ka hong phat hi. Na nasepnate lamdang mahmah hi; Nang in kei nong limtheih mahmah hi;

Isaiah 28:29

Hih zong Vanglianpen Topa’ kiang pan a, hong pai thu ahi hi; amah pen thu lamlahna-ah lamdang a, pilna-ah lian mahmah hi.

Isaiah 55:9

Vantungte pen leitung sangin a san’ zawk mah bangin, keima paiziate, nomau paizia sangin sangzaw a, ka ngaihsutnate, nomau’ ngaihsutna sangin sangzaw hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.