Late 92:5 - Tedim Bible

⁵ Topa, na sepnate bangzah takin lian! Na ngaihsutnate thuk mahmah!

Tedim Bible Revision 2017

⁵ Topa aw, na nasepnate lian mahmah a, na ngaihsutnate thuk mahmah hi.

Late 92:5 Referans Kwoze

Late 40:5

Topa ka Pasian aw, na sepna lamdangte leh ko’ adinga na ngaihsutnate tampi na phasak a, kuamah tawh teh theih na hi kei hi! Tuate pulakin gen ding hi leng, sim zawh ding hi lo hi.

Late 139:17

Pasian aw, na ngaihsutnate kei adingin bangzah takin manpha! Tuate khempeuh a vekpi in bangzahin zai!

1 KORIN MASA 2:10

Pasian in ama Kha Siangtho tawh tua nate eite hong lak hi. Bang ci hiam na cih uh leh, Kha Siangtho in Pasian’ thu a thukpi dongin na khempeuh a zong hi.

Late 111:2

Topa’ nasepnate lian a, hoih a sa mi khempeuh in tuate kankan uh hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Isaiah 28:29

Hih zong Vanglianpen Topa’ kiang pan a, hong pai thu ahi hi; amah pen thu lamlahna-ah lamdang a, pilna-ah lian mahmah hi.

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Jeremiah 23:20

A lungsim sunga a tupna teng a tangtun’ sak matengin, Topa’ hehna kilehkik lo ding hi. Hong pai lai ding hunte ah note in siang takin na telzaw semsem ding uh hi.

Thuhilh-sia 7:24

Mihing nuntakna, kua in thei khia zo ding ahi hiam? Eite adingin thuk lua a, tel hak lua hi.

Late 36:6

Na thumanna in Pasian’ mualte tawh kibang a, na thukhennate in tuipi thuk tawh kibang hi; mihing leh ganhing na hon hi, Topa aw.

Late 64:6

Eite’ mawhna kua in hong kankhia zo ding ahi hiam? Siam mahmahna tawh i sawm simna i ngaihsun khia hi,” ci-in ngaihsun uh hi. Bang hang hiam cih leh mihingte’ sung thu leh lungsim thuk mahmah hi.