Late 92:4 - Tedim Bible

⁴ Bang hang hiam cih leh Topa aw, nangma nasepna tawh kei hong lungdamsak a, nangma nasepnate hangin lungdamin la ka sa hi.

Tedim Bible Revision 2017

⁴ Bang hang hiam cih leh Topa aw, nangma sepna tawh kei nong lungdamsak a, nangma sepnate hangin lungdamin la ka sa hi.

Late 92:4 Referans Kwoze

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

Late 8:6

Na khut tawh na bawlsate khempeuh tungah ukna amah na pia hi.

Luka 1:47

Keimah hong gum Topa Pasian hangin ka kha a nuam hi.

Late 126:3

Topa in eite’ adingin na lianpite bawl khin ta a, eite i kipak hi.

Johan 16:22

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Late 143:5

Hunluite ka phawk a, nangma sepsate khempeuh ka ngaihsunsun hi; na khut in a sepsa nate ka lungngaingai hi.

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.

Late 104:31

Leitung a et ciangin tua lei kilingin, mualte a lawn’ ciangin tua mualte meikhu a suak, ama nasepna-ah Topa lungdam hen la, Topa' minthan’na kip tawntung ta hen!

Late 90:16

Na nasemte tungah na nasepna leh, amau tate tungah na minthan’na vang hong kilangsak in.

Late 64:10

Topa’ sungah midikte lungdam ding uh a, ama sungah bu ding uh hi. Lungsim thutangte khempeuh in amah phat ding uh hi.

Late 104:34

Topa in kei hong lungdamsak ahih manin, ka lasaknate in amah lungdamsak ta hen.

Late 33:2

Laiza khausai lasakna tawh Topa phat un la, harp zang sawm khausai lasakna tawh ama tungah la ngaih sa un!