Late 92:1 - Tedim Bible

^1-3 Sang Penpa aw, Topa tungah lungdam lah ding, nangma min phatna sak ding; zang sawm khausai lasakna leh harp lasakna, laiza lasaknate tumin, zingsangin nangma itna kip, zanin na thumanna genkhiat dingin a kilawm hi.

Tedim Bible Revision 2017

^1-3 Sangpen pa aw, Topa tungah lungdamna lah ding, nangma minphatna la sak dingin kilawm a, zang sawm khausai lasakna le harp lasakna, laiza lasaknate tumin, zingsangin nangma itna kip, zanin na thumanna genkhiat dingin a kilawm ahi hi.

Late 92:1 Referans Kwoze

Late 147:1

Topa phat un! Bang hang hiam cih leh i Pasian tungah phatnate i sak ding hoih hi; phatna sak ding nuam a, zong kilawm hi.

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Efesa 5:19

Late-a kipan kha la leh phatna la apawlpawlte tawh khat leh khat na kikum un la, na lungsim tak uh tawh Topa mai-ah la sa un.

Late 135:3

Topa phat un, bang hang hiam cih leh Topa hoih hi; ama min phatna lasak un, bang hang hiam cih leh phat nop huai hi.

Late 33:1

No thuman mite aw, Topa tungah lungdam un! Pahtawina in thutangte tawh kilawm kituak hi.

Late 73:28

Ahih hangin kei adingin Pasian kianga om ding hoih hi; na nasepnate khempeuh ka gen theih nadingin Topa ka Pasian kong bel hi.

Late 107:8

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 52:9

Hih bang bawl khin na hih manin, na tungah ka lungdam ngitnget ding hi. Thuhoih ahih manin, miphate’ omna-ah na min ka taangko ding hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 107:15

Ama itna kip leh mihing tate tungah a lamdang ama nasepnate hangin amaute in Topa’ tungah lungdamna ko ta uh hen!

Late 54:6

Utna lungsim tawh na tungah biakpiakna kong pia ding a, nang hoih na hih manin, na tungah lungdamna kong ko ding hi, Topa aw.

Late 50:23

Biakpiak nadingin lungdam piakna hong paipih mi in kei hong pahtawi ahi hi; Ka thu a mang mite khempeuh ka honkhia ding hi,”

Late 82:6

Ke’n kong cih-inah, “Note khempeuh in, Sang Penpa’ tate, pasiante, na hi uh hi;

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Hebru 4:9

Tua ahih ciangin Pasian’ mite ading Nipi ni nopsakna a om lai hi.