Late 90:5 - Tedim Bible

⁵ Nangmah in mite na phiatkhia hi; amaute in a ihmu tawh kibang uh a, zingsang-a a no kik lopa tawh kibang uh hi;

Tedim Bible Revision 2017

⁵ Nangmah in mite na phiat khia hi. Amaute pen a ihmu tawh kibang uh a, zingsangin a nokik lopa tawh kibang uh hi.

Late 90:5 Referans Kwoze

Isaiah 40:6

Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. Mi khempeuh in lopa bang hi a, ama hoihnate khempeuh pen gamlak-a paak tawh kibang hi.

1 PETER MASA 1:24

Bang hang hiam na cih uh leh: “Mi pawl khempeuh in lopa kung tawh kibang uh hi, Amaute’ minthan’na khempeuh zong lopa pak tawh kibang hi. Lopa kung a keu thei a, a pak zong a pulh thei hi;

Late 73:20

Amaute pen mi khat in mang a mat tawh kibang a, na khan’lawh ciangin amaute a bangci hiam cih na phawk nawn kei hi.

JOB (Job) 22:16

Amau’ hun tung lopi-in tuikhang in amaute taai hi.

JOB (Job) 20:8

Amah pen zan-a mangmat bang leh mumaang bangin maimang ding a, cik mah hunin kimu kik ngei nawn lo ding hi.

JOB (Job) 9:26

Pumpeng gunkuang bangin nawh pai a, muvanlai sa bawh bangin nawh len’ hi.

JOB (Job) 4:20

zing kal nitak kal-a a kisusia thei sungah a omte, bangzah ta-in kuama don lohin sia cipin,

Isaiah 38:12

Tuucingpa’ puanbuk bangin ka omna inn kibotkhia-in kei kiang panin kilakhia hi; siamgante in a hial bangin ka nuntakna kihial khin a, amah in siambu panin kei hong at khia hi; sun leh zan tawntung gimna hong kithuaksak a,

Isaiah 38:13

zingsang dong lungduai takin, huhna ngenin ka kiko hi; humpinelkai bangin amah in ka guh khempeuh kuaitan a, sun leh zan tawntung gimna hong kithuaksak hi.

Isaiah 40:7

Topa’ hu in a mut ciangin lopa vul-in, paak pulh hi; mihingte pen lopa bang lel hi taktak hi.