Late 90:2 - Tedim Bible

² Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Tedim Bible Revision 2017

² Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Late 90:2 Referans Kwoze

Hebru 13:8

Zeisu Khazih in zanni, tuni, atawntungin kikheel loin a om hi.

Piancilna 1:1

A kipat cil-in Pasian in vantung leh leitung a piangsak hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Late 93:2

taanglai pek panin na tokhom a kipsa hi a, nang in a tawntung-a om na hi hi.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

JOB (Job) 15:7

“Mihing a piang lakah nang a masa pen kisa na hi hiam? Pasian in mualte a bawl lai-in nang a piang khin kisa na hi hiam?

Late 146:6

Amah in van leh lei, tuipi leh tuate sunga omte khempeuh bawl a, a tawntungin thuman hi;

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Paikhiatna 8:6

Tua ahih ciangin Aaron in Izipt tuite' tungah a khut zan hi; uiphukte hong pai-in Izipt leitang tuam hi.

JOB (Job) 36:26

Pasian’ liatna a kicingin i thei zo kei a, ama kum phazah zong i sim zo kei hi.

Late 102:13

Nangmah tho-in Zion khua na hehpih ding hi; amah na angvan hun ding hi ta hi; a kiciangtansa hun hong tung khin hi.

Daniel 7:9

Ka et lai takin kumpi tokhomte a hong kikoih hi. A nungta tawntung mi Pa khat in tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom in meikuang lengpei tungah kinga-in meikuang zuazua a;