Late 9:9 - Tedim Bible

⁹ Topa in, nen’niamna a thuakte’ adingin munkip hi a, haksat hun ciangin mun muan’huai ahi hi.

Tedim Bible Revision 2017

⁹ Topa pen, netniamna a thuakte adingin munkip hi a, haksat hun ciangin mun muanhuai ahi hi.

Late 9:9 Referans Kwoze

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Nahum 1:7

Topa hoih hi; lungkham hunin a mite huh a, amah a bel mite lim takin kem hi.

Late 32:7

Nangmah in keima adingin bukna mun na hi a, haksatna panin kei hong kemin, hotkhiatna tawh nong tuam hi.

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

Late 37:39

Thumante’ kihotkhiatna in Topa’ kiang pan hi a, amah in haksat hun ciangin amau bukna ahi hi.

Late 18:2

Topa in ka suangpi, ka munkip muanhuai, hong honkhia-pa, ka Pasian, ka suangpi, ka belhpa, ka lum, ka kihotkhiatna ki, ka munkip ahi hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

Late 20:1

Gimna hunah Topa in nangmah hong en! Jakob Pasian min in nangmah hong dal!

Thu-hilhkikna 33:27

Tawntung Pasian in nangma omna hi a, nangmah huh dingin tawntung baante a om hi. Amah in na mai-ah galte nawhkhia-in, Susia un, ci hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Late 108:12

Ka galdona uh-ah huhna kote hong pia in, bang hang hiam cih leh mihing’ huhna a mawkna hi!

Late 142:4

Ka kiim ka pam enin ka khuadak a, ahih hangin kei hong huh ding kuamah om lo hi; ka belh ding kuamah om lo a, kuamah in kei hong don lo hi.

Late 48:3

A muan’huaina tua mual-ah Pasian in amah a hu’ taktakpa ahihna a lak khin hi.

1 KHANG TANGTHU MASATE 16:33

Tua ciangin gamlak singte in lungdamin Topa mai-ah la sa ding uh hi, bang hang hiam cih leh leitung thukhen dingin amah hong pai hi.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Late 67:5

Pasian aw, mite nangmah phat sak in; mi khempeuh nangmah phatsak ta in!

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.