Late 9:6 - Tedim Bible

⁶ Siat denna sungah galte beimang hi; a khuate uh na zunglot hi; amau kiphawk kha nawn lo hi.

Tedim Bible Revision 2017

⁶ Siat denna sungah galte bei mang hi. A khuate uh na zunglot a, amaute kiphawk kha nawn lo hi.

Late 9:6 Referans Kwoze

Micah 7:8

Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.

Paikhiatna 14:13

Moses in mite' tungah, “Kihta kei un, kip takin ding un, amah in note adingin tu ni-a hong sep ding Topa’ hotkhiatna mu un; bang hang hiam cih leh tu ni-a na muh uh Izipt mite, note in na mukik nawn kei ding uh hi.

Mangmuhna 20:2

amah in Dawimangpa Satan ahi, tanglai gulpi manin, kum tulkhat tawntung hen cipin,

1 KORIN MASA 15:26

A khakbel a gal ahi sihna mangpa in lelhna a thuak ding hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Jeremiah 51:25

“En in, mualpi banga lian a, leitung khempeuh a susia zo Babilon aw, nang kong langpan’ hi, Topa in kong ci hi. Keimah in nang’ lang khatah ka khut ka zan ding a, mualdawn panin nang hong khuk khia-in, kong kangtumsak ding hi.

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.

Isaiah 14:17

Leitung pen sehnel gam suaksakin, khuapite a susia-pa, thong sungah a khum mite pen innah a ciahsak lopa pen hihpa hilo ahi hiam? hong ci ding uh hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Late 34:16

Siatna bawl mite leitung panin a kiphawkna a kisuktat nadingin Topa in amaute langpang hi.

Late 8:2

naungekte leh naupangte’ kam tawh kisa hi; gal na neih manin galte leh langpangte na daihsak nadingin panmun kip na bawl khin hi.

Late 7:5

galte in delhin hong pha hen la, lei lakah kei hong tuancilsak in la, leilak ah hong sialpai ta hen.

2 KUMPI NIHNATE 19:25

“Sawt pek lai-in ka ngaihsutsa ahihna za nai lo na hi hiam? Taanglai pek panin ka geel kholhsa hi, tu-a ka tun’sak ding thute, kulh a nei khuapite nin bulomtang-in na hei nading,

1 SAMUEL MASA 31:7

Tua ciangin kuam gal khat leh Jordan gal khat-a om Israel mite in Israel mite tai-in Saul leh a tapate a sih khitna thu a zak uh ciangin amaute in a khuapite uh nusia-in tai uh hi; tua ciangin Filistiate hong pai-in tuate sungah teeng uh hi.

1 SAMUEL MASA 30:1

Tu-in David leh a mite a ni thum ni-in Ziklag hong tun’ uh ciangin, Amelekte in Negeb leh Ziklag na sim khin uh hi. Amaute in Ziklag zo-in mei tawh na hal uh a,

Paikhiatna 15:16

Launa leh kihtakna amau' tungah tung a, nangmah' thahat vangliatna hangin amaute suangtum bangin taang loin om uh a, Topa aw, nangma' mite in a khen’ mateng, nangma' leisa mite in a khen’ mateng, amaute khikcip uh hi.

JOB (Job) 18:17

Inn leh gam-ah a minthan’na bei ta a, kuamah in amah phawk kha nawn lo hi.

Late 34:17

Huh ngen dingin thumante a kiko ciangin Topa in za a, a haksakna khempeuh panun amaute honkhia hi.

Isaiah 26:14

Amaute si a, hingkik lo ding uh hi; amaute mangthang ta uh a, omkik nawn lo ding uh hi; tua bang a pian’ theih nadingin nangmah in amaute tungah siatna na tung sak a, amaute a kiphawkna khempeuh na beisak hi.