Late 9:2 - Tedim Bible

² Lungdamin nangma sungah nuamin ka diang ding a, min phatna la ka sa ding hi, Sangpen Pa aw.

Tedim Bible Revision 2017

² Nangma hangin nuamin ka diang dinga, na minphatna ka sa ding hi, Sangpen pa aw.

Late 9:2 Referans Kwoze

Late 83:18

Topa a kici min nei nangmah bek in leitung khempeuhah a Sang Penpa na hihna amaute thei sak in.

Late 5:11

Ahih hangin nang hong belte khempeuh lungdam sak in la, nuamna la sasak tawntung in; na min a deihte, nangma sungah gualzo-a a lungdam theih nadingin amaute na hu hi.

Late 7:17

Ke’n ahih leh, ama dikna om bangin Topa tungah lungdamna ka lak ding a, a Sangpen Topa min, phatna la ka sak ding hi.

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lianzaw hi.

Late 28:7

Topa in ka hatna leh ka lum hi a, ka lungsim in amah muang hi; tua ahih manin kei hong kihuh a, ka lungsim nuamin diang a, ka lasakna tawh ama tungah lungdamna ka pia hi.

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

Late 97:12

Thuman mite aw, Topa sungah lungdam un la, ama min siangtho phat un!

Late 92:1

Sang Penpa aw, Topa tungah lungdam lah ding, nangma min phatna sak ding; zang sawm khausai lasakna leh harp lasakna, laiza lasaknate tumin, zingsangin nangma itna kip, zanin na thumanna genkhiat dingin a kilawm hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Late 92:4

Bang hang hiam cih leh Topa aw, nangma nasepna tawh kei hong lungdamsak a, nangma nasepnate hangin lungdamin la ka sa hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

Late 27:6

Tu-in ka kimkot-a om ka galte tungah ka lu kilaamto-in, lungdam-a kikona tawh biak piaknate ama buk sungah ka pia ding a, la ka sa ding hi, Topa’ tungah la ngaih ka sa ding hi.

Late 26:7

lungdam kohna la a gingin sa-in, nangma nasepna lamdangte ka gen kawm hi.

Late 86:12

Topa ka Pasian aw, ka lungsim khempeuh tawh nangma tungah ka lungdam a, nangma min ka thangsak ngitnget ding hi.

Late 96:3

Ama minthan’na, minamte lakah gen un la, ama nalamdang septe, mi khempeuh lakah pulak un!

Late 138:1

Topa aw, ka lungsim khempeuh tawh nang tungah lungdamna kong ko a, pasiante’ mai-ah nangmah phatna ka sa hi;