Late 9:13 - Tedim Bible

¹³ Ka tungah hong dik in, Topa! Sihna panin hong honkhiapa aw, kei hong mudahte tung pan ka thuakna hong en in la,

Tedim Bible Revision 2017

¹³ Ka tungah hong dik in, Topa! Sihna pan hong hon khia pa aw, kei hong mudahteʼ hangin keima gim thuaknate hong en inla,

Late 9:13 Referans Kwoze

Late 86:13

Bang hang hiam cih leh keimah nong itna kip lian mahmah a, Leinuai thuk sung sihna panin kei nong honkhia khin hi.

Late 30:3

Topa aw, Leinuai panin kei nong paikhiatpih to khin a, Leihawm sunga pai khinsate lak panin kei nong nungtakik sak hi.

Kah la 1:11

Amaute in thuum kawmsa-in annek zong dingin a paikhia uh hi. A nuntak theih nadingun a sum a pai uh tawh an a khek uh hi. Khuapi in “Hong en in Topa aw, ka thuakna teng hong mu in” ci-in a kiko hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Isaiah 38:10

Ka hat saan lai takin a si ding ka hi ta a, ka kum om lai teng khempeuh sihna kong ah a om dingin hong kiseh hi ta hi, ka ci hi.

Late 142:6

Ka kikona hong ngai in; bang hang hiam cih leh kei hong kiniamkoih mahmah hi! Kei hong bawlsiate’ kiang panin hong honkhia in; bang hang hiam cih leh kei’ adingin amaute hatlua uh hi!

Late 119:153

Ka thuakna hong en in la, kei hong honkhia in, bang hang hiam cih leh nangma thu ka mangngilh kei hi.

Late 119:132

Nangmah hong itte tungah na hih ngei bangin kei lamah hong kihei in la, hong hehpih in.

Late 56:13

Bang hang hiam cih leh sihna panin nong honkhia khin hi, hi taktak hi, Pasian’ mai, nuntakna khuavak sungah ka pai theih nadingin ka khe a taal nading panin nong honkhia hi.

Late 51:1

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Late 38:19

Thuman lopi-a ka gal a hite thahat a, kei hong mudah khialte tam mahmah hi.

Late 25:19

Ka galte bangzah takin a tamna, leh keimah hong mudah luatnate ngaihsun in.

Late 13:3

Topa ka Pasian aw, ngaihsun in la hong dawng in, ihmu-in si kha ding ka hih manin ka mitte hong vak sak in;

Nehemiah 9:32

“‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

Johan 2:6

Judah mite ngeina bangin, siangtho biakna adingin tua munah seeng nih seeng thum bang a ta thei leibeel guk a kikoih hi.

Late 107:18

amaute in an peuhmah kih uh hi, amaute, sihna kongpi nai ta uh hi.

Piancilna 4:9

Tua ciangin Topa in Kain tungah, “Na sanggampa Abel koi-ah om ahi hiam?” ci hi. Amah in, “Ka thei kei hi; keimah in ka sanggam a kempa ka hi hiam?” ci hi.

Piancilna 4:10

Topa in, “Nang’ bang hih na hi hiam? Na sanggampa’ sisan, leilak panin keitungah hong kiko hi.

1 KUMPI MASATE 21:19

Nangmah in ama kiangah, ‘Topa in hih bangin ci hi; “That khinin, zong luah khin na hi hiam?” ci hi,’ na ci ding hi. Tua ciangin ama kiangah, ‘Topa in hih bangin ci hi: “Uite in Naboth’ sisan a liahna munah uite in nangma sisan liak ding uh hi,” ci hi,’ ci-in gen in,” a ci hi.

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

2 KHANG TANGTHU NIHNATE 24:22

Tua ciangin kumpi Joash in Zekhariah’ pa Jehoiada in ama tungah a lah dikna phawk nawn loin ama tapa thah sak mawk hi. Amah a sih ding ciangin, “Topa in mu hen la, thuk ta hen!” a ci hi.

Late 10:12

Tho in, Topa! Pasian aw, na khut lamto in la, a thuakte mangngilh kei in.

Late 12:6

Topa’ thuciamnate in a siangtho thuciamna hi a, meikhuk sunga sagih vei a kisiangsak ngun tawh kibang hi.