Late 9:12 - Tedim Bible

¹² Bang hang hiam cih leh mi thahna a hua-pa in amaute phawk a, a thuak mite’ aw mangngilh lo hi.

Tedim Bible Revision 2017

¹² Bang hang hiam cih leh mi thahna a hua pa in amaute phawk a, a thuak miteʼ awging amah in mangngilh lo hi.

Late 9:12 Referans Kwoze

Paikhiatna 3:7

Tua ciangin Topa in, “Izipt-ah a om ka mihingte’ gimna mu khinin a uk nasem ukte hangin amau’ kikona ka za khin hi; amau’ thuaknate ka lunghimawh a,

Late 34:6

Hih mi hehpihhuaipa kiko-in, Topa in amah za a, ama haksatna khempeuh panin honkhia hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Piancilna 9:5

Mi khatpeuh in nang hong thah leh ama' tungah sihna dan ka pia ding hi. Nang a hong that ganhing peuhmah ka that ding a, a mipihte a that mi peuhmah daan ka pia ding hi.

Isaiah 26:21

Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Late 22:24

Bang hang hiam cih leh amah in a thuak mi’ gimna simmawh lo, kih bawl lo hi; ama kiang panin a mai seel lo a, ama tungah a koh ciangin, amah in za hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

Late 10:17

Topa aw, lungnemte deihna na ngai ding hi; a lungsim uh na hatsak ding a, na bil na ngat ding hi.

Late 10:14

Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Paikhiatna 3:9

Tu-in, en in, Israel mite’ kikona kei' kiang hong tung khin a, Izipt mite in amaute a netniamna ka mu khin hi.

Mattiu 23:35

Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Late 74:2

Tanglai-a na ngahsa nangma mihonte, nangma luah minam dinga, na tatkhiatsate phawk in! Na ten’nasa Zion Mual phawk in.

Late 76:3

Amah in tua lai-ah thaltangte, lum, namsau leh galhiamte kuaitan hi.

Late 132:13

Bang hang hiam cih leh Topa in Zion teel khin zo a, amah in tua mun pen ama teen’ nadingin a deih hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.