Late 9:11 - Tedim Bible

¹¹ Zion-a om Topa phatna la sa un! Ama nasepnate mite lakah gen un!

Tedim Bible Revision 2017

¹¹ Zion ah a om Topa phatna la sa un! Ama nasepnate miteʼ lakah gen un!

Late 9:11 Referans Kwoze

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Late 66:2

ama minthan’na sa un la, ama tungah minthang phatna pia un!

Late 118:17

Kei ka si kei ding a, ka hing ding hi; Topa’ sepnate ka gengen ding hi.

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

Late 66:5

Hong pai un la Pasian’ sepsate mu un; mite’ lak-a a bawlnate ah amah dipkuat-huai hi.

Late 76:2

Salem khua sungah ama omna kibawlin, Zion khua sungah ama teen’na mun kibawl hi.

Mangmuhna 14:1

Tua lai takin ka et leh, Zion Mual tungah ding-in a om Tuuno-a kipan amau taltang tung uhah Tuuno’ min tawh, ama Pa’ min tawh kigelha a om mi sangkhat-thenli-tulli amah tawh a om ka mu hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Late 78:68

ahih hangin, ama it, Zion Mual, Judah minam a teel hi.

Johan 17:26

Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Late 91:14

Amah in itna tawh kei hong bel ahih manin amah ka honkhia ding a, amah in ka min thei ahih manin mun sangna-ah amah ka koih ding hi.