Late 9:1 - Tedim Bible

¹ Ka lungsim khempeuh tawh Topa tungah lungdamna kong pia ding hi; na bawlna a lamdangte khempeuh ka gen ding hi.

Tedim Bible Revision 2017

¹ Ka lungsim khempeuh tawh Topa tungah lungdamna kong ko dinga, na bawl a lamdangte khempeuh ka gen ding hi.

Late 9:1 Referans Kwoze

Late 86:12

Topa ka Pasian aw, ka lungsim khempeuh tawh nangma tungah ka lungdam a, nangma min ka thangsak ngitnget ding hi.

1 KHANG TANGTHU MASATE 16:24

Minamte lakah ama minthan’na gen khia un la, a lamdang ama septe mi khempeuh lakah gen un!

Late 111:1

Topa phat un, lungsim thutangte a omna, mihon kikhopna sungah ka lungsim khempeuh tawh Topa tungah lungdamna ka ko ding hi.

Late 26:7

lungdam kohna la a gingin sa-in, nangma nasepna lamdangte ka gen kawm hi.

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Late 7:17

Ke’n ahih leh, ama dikna om bangin Topa tungah lungdamna ka lak ding a, a Sangpen Topa min, phatna la ka sak ding hi.

1 KHANG TANGTHU MASATE 16:12

Ama hihsa a lamdang nasepte phawk un la, ama hih a lamdangte, a genkhiat thukhennate phawk un,

Late 138:1

Topa aw, ka lungsim khempeuh tawh nang tungah lungdamna kong ko a, pasiante’ mai-ah nangmah phatna ka sa hi;

Late 51:15

Topa aw, ka pau theih nadingin hong huh in; nangmah ka hong phat ding hi.

Luka 10:27

amah in, “Na Topa Pasian, na lungsim khempeuh, na kha khempeuh, na thahatna khempeuh, na pilna khempeuh tawh na it in. Na pumpi na it bangin na lawmte na it in,” ci-in a gen hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Isaiah 60:6

Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.

Late 106:2

Topa’ nasepna lianpite kua in genkhia thei-in, amah phatna khempeuh lakkhia thei ding ahi hiam?

Late 9:14

nangmah phatnate phawk kikkik-in, Zion tanute huang sungah nong hotna hangin ka nuam ding hi.