Late 86:8 - Tedim Bible

⁸ Topa aw, pasiante lakah nang tawh a kibang kuamah om lo a, nangma’ sep bang, kuamah in sem thei lo hi.

Tedim Bible Revision 2017

⁸ Topa aw, pasian-te lakah nang tawh a kibang kuamah om lo a, nangma sep bang, kuamah in sem thei lo hi.

Late 86:8 Referans Kwoze

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Thu-hilhkikna 3:24

‘Topa Pasian aw, na liatna leh na thahatnate na nasempa tungah lah ding a hong kipan pan bek na hi hi; bang hang hiam cih leh vantung hita leh leitung hita leh nangma’ aa bangin tua bang nasep leh a vanglian gamtatna a hih thei bang pasian om ahi hiam?

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Late 89:8

Mi honte Topa Pasian aw, na khempeuh ah na thutak a, nangmah banga vanglian kua om ahi hiam? Topa aw.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

Isaiah 40:18

Tua ahih ciangin Pasian pen kua tawh tehkak ding a, amah pen bang lim tawh kibang ci ding na hi uh hiam?

Late 136:4

nalamdang lian a bawl amah bek a hipa' tungah, bang hang hiam cih leh ama itna kip kho tawntung hi;

Paikhiatna 8:6

Tua ahih ciangin Aaron in Izipt tuite' tungah a khut zan hi; uiphukte hong pai-in Izipt leitang tuam hi.

2 KHANG TANGTHU NIHNATE 2:4

En in, Israelte’ adingin a tawntung ading a kikipsaksa bangin, ama mai-ah a namtui nate ahi paknamtui hal nading leh Ompihna Anlum piak tawntung nading, leh sabbath nite leh khadet nite leh Topa i Pasian’ adingin a kisehsa pawi nite-in zing leh nitakin meihal biaknate piak nadingin Topa ka Pasian’ minin inn khat lamin ama tungah a ap ding ka hi hi.

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.

Late 135:5

Bang hang hiam cih leh Topa lian hi, ci-in ka thei a, eite’ Topa pen pasian khempeuh sangin lianzaw hi.