Late 86:2 - Tedim Bible

² Mihoih ka hih manin kei hong kem in; nangmah hong muang na nasempa hong hon in.

Tedim Bible Revision 2017

² Mihoih ka hih manin kei hong kem in. Nangmah a hong muang na nasem pa hong hon in.

Late 86:2 Referans Kwoze

Late 4:3

Ahih hangin Topa in miphate ama adingin a koihtuam lam thei ta un; ke’n ka sap ciangin Topa in hong za hi.

Late 25:2

Ka Pasian aw, nang kong muang hi, hong zahhuaisak kei in; ka galte ka tungah gualzo-in lungdam sak kei in.

Johan 17:11

Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.

Late 119:94

Kei in nangma aa ka hi hi, kei hong hon in; bang hang hiam cih leh nangma thuhilhte zuih ding ka hanciam hi.

Late 31:1

Topa aw, nang kong bel hi; hong maizumsak ngei kei in la, na thumanna tawh kei hong honkhia in!

Late 18:19

Amah in mun tanzau khatah kei hong paikhiatpih a, kei tungah lungkim ahih manin hong honkhia hi.

Late 16:1

Pasian aw, nangmah hong bel ka hih ciangin keimah hong kem in.

Late 13:5

Ahih hangin na itna kip ka muang a, nangma hotkhiatna sungah ka lungdam ding hi.

ROM (Romans) 9:18

Tua mah bangin a hehpih nopte a hehpih hi, a lungkhauhsak nopte a lungkhauhsak hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Late 143:12

Kei pen nangma nasem ka hih manin na itna kip tawh kituakin ka galte khenkhia in la, ka langte khempeuh susia in.

Late 50:5

“Kei tawh biak piakna-in thuciamna a bawlte, ka micitakte ka kiangah hong khawm un!”

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 31:14

Ahih hangin keimah in nang kong muang hi, Topa aw, “Nangmah in keima Pasian na hi hi,” kong ci hi.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.