Late 86:16 - Tedim Bible

¹⁶ Kei lamah hong kihei in la kei hong hehpih in; na nasempa tungah na thahatna pia in la, na nasem numei’ tapa hong hon in.

Tedim Bible Revision 2017

¹⁶ Kei lamah hong kihei inla, kei hong hehpih in. Na nasem pa thahatsak inla, na nasem numeiʼ tapa hong hon in.

Late 86:16 Referans Kwoze

Filippi 4:13

Hong thahatsakpa Khazih hangin na khempeuh ka hih thei hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Late 25:16

Keima lamah nang hong kihei in la hong hehpih in; bang hang hiam cih leh kei guak hi-in gimna ka thuak hi.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Late 119:132

Nangmah hong itte tungah na hih ngei bangin kei lamah hong kihei in la, hong hehpih in.

Late 119:94

Kei in nangma aa ka hi hi, kei hong hon in; bang hang hiam cih leh nangma thuhilhte zuih ding ka hanciam hi.

Late 90:13

Topa aw, hong kihei kik in! Bang tan sauvei ding ahi hiam? Na nasemte hong hehpih in!

Late 84:5

Nangma sungah amau thahatna om a, amau lungsim sungah Zion zuatna lampi a om mite in thupha ngah mi ahi uh hi.

Late 69:16

Topa aw, na itna kip hoih manin kei hong dawng in la, na hehpihna lian a om tawh kizui-in kei lam hong nga in.

Luka 1:38

Mari in, “Pasian’ sila numei ka hi hi, nangma thu bangin kei tungah hong piang ta hen,” a cih khit ciangin, vantungmi in ama kiang panin a paikhia hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Late 41:5

Ka galte in elna tawh keima thu gen uh a: “Cik ciangin amah a si tam, cik ciangin ama min a mang tam?” ci uh hi.