Late 86:10 - Tedim Bible

¹⁰ Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

Tedim Bible Revision 2017

¹⁰ Bang hang hiam cih leh nangmah lianin nalamdangte na bawl a, nang bek Pasian na hi hi.

Late 86:10 Referans Kwoze

Marka 12:29

Zeisu in, “Thukham a lianpen in, ‘Israel mipawlte aw, ngai un: eite Topa Pasian in Topa khat bek ahi hi.

Isaiah 37:16

“Vanglianpen Topa, Israelte’ Pasian, Kherubte tunga a tupa aw, leitung kumpi gam khempeuhte’ tungah nang bek Pasian na hi hi; nangmah in vantung leh leitung na bawl khin hi.

Late 72:18

Nalamdangte a bawl amah bek ahi, Israel Pasian, Topa in thupha ngah ta hen.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Late 86:8

Topa aw, pasiante lakah nang tawh a kibang kuamah om lo a, nangma’ sep bang, kuamah in sem thei lo hi.

JOB (Job) 11:7

“Pasian’ thuthuk thei khin zo ding na hi hiam? Vanglianpa’ hih theihna thei khin zo ding na hi hiam?

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Isaiah 45:5

Keimah in Topa ka hi hi, kuamah dang om lo a, kei sim loh Pasian om lo hi; nisuahna pan hita leh, nitumna pan hita leh, kei sim loh a dang a om lohna thu mite in a theih nadingin, nong theih loh hangin nangma tungah a kisam thahatna kong guan hi; keimah in Topa ka hi a, a dang om lo hi.