Late 86:1 - Tedim Bible

¹ Topa aw, kei, hehpihhuai-in cimawh ka hih manin na bil hong ngat in la, hong dawng in.

Tedim Bible Revision 2017

¹ Topa aw, kei hehpihhuai-in cimawh ka hih manin na bil hong ngat inla, hong dawng in.

Late 86:1 Referans Kwoze

Late 31:2

Na bil hong ngat in la, hong hon pak in! Ka belh ding suangpi hong hi in la, kei hong dal ding munkip muan’huai hong hi in!

Late 40:17

Kei ahih leh zawng-in ka cimawh hi; ahih hangin Topa in kei’ ading ngaihsun hi. Nangmah in keimah hong huhpa leh keimah honkhiapa na hi hi; zekai kei in, ka Pasian aw!

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Late 34:6

Hih mi hehpihhuaipa kiko-in, Topa in amah za a, ama haksatna khempeuh panin honkhia hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 37:17

Topa aw, na bil hong ngat in la, hong za in; Topa aw, na mit hak in la, hong mu in; Sennakherib in a nungta Pasian a zahkona, hong khak thute khempeuh za in.

Late 142:1

Topa’ hong huh ding ngenin ka kiko a, Topa tungah ka thuum hi.

Late 140:12

Topa in a thuak mite’ thu a panpihna, mi cimawhte’ adingin thu a manin a khenna ka thei hi.

Late 119:22

nangma thuhilhnate zui khin ka hih manin amau’ hong nuihsatna leh hong simmawhnate panin kei hong suakta sak in.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

Late 17:6

Pasian aw, hong dawng ding na hih manin nang kong sam hi; na bil hong ngat in la ka thu hong za in.

Late 102:1

Topa aw, ka thungetna hong za in la, ka hong thuumna hong ngai in.

Late 10:14

Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Late 25:16

Keima lamah nang hong kihei in la hong hehpih in; bang hang hiam cih leh kei guak hi-in gimna ka thuak hi.