Late 85:8 - Tedim Bible

⁸ Topa Pasian’ thu gen ding hong zasak dih un, bang hang hiam cih leh amah in ama lamah a lungsim uh tawh a kiheite, ama mi siangthote, a mite tungah kilemna thu gen ding hi.

Tedim Bible Revision 2017

⁸ Topa Pasianʼ thugen ding hong zasak dih un. Bang hang hiam cih leh ama lamah lungsim takpi tawh a kihei ama mi siangtho, ama miteʼ tungah kilemna thu a gen ding hi.

Late 85:8 Referans Kwoze

Late 29:11

Topa in a mite hatna pia ta hen! Topa in a mite nopna thupha pia ta hen!

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Habakkuk 2:1

Ka khuadakna tausang tungah kahin, Topa in kei tungah bang hong gen ding a, ka lungkim lohna teng bang hong ci dawn’ hiam, cih ka ngak ding hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Late 130:4

Ahih hangin nang hong kizahtak theih nadingin nangmah in mawhna na maisak hi.

Piancilna 34:7

Jakob’ tapate in tua thu a zak uh ciangin gam lak panin hong ciah uh hi; amaute lungkim loin heh mahmah uh hi, bang hang hiam cih leh Jakob’ tanu tawh a lup khop manin amah in Israel sungah haigamtatna hong tun’ hi, bang hang hiam cih leh tua bang hih ding a kilawm lo na ahi hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

Johan 20:19

Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Johan 8:11

Numei in, “Kuamah in hong khen lo hi, Topa aw,” a ci hi. Zeisu in, “Ke’n zong kong khen kei ding hi. Pai in la, a nung ciangin na mawh nawn kei in,” a ci hi.

Johan 5:14

Tua nung ciangin Zeisu in biakna innpi sungah tua pa a muh ciangin, “Nang na ci dam zo hi. Tua gimna sangin a haksa zaw na thuak loh nadingin, a nung ciangin mawhna na hih nawn kei in,” a ci hi.

Haggai 2:9

Biakinn thak in a lui sangin hoih zawin thupizaw ding hi. Hih biakinn-ah cihtheihna leh nopsakna kong pia ding hi,” ci sak hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Paunak 25:11

A kilawm hun-a kammal khat paukhiatna in, ngunpeek tunga kham tang khat a kisuang tawh kibang hi.

Late 50:5

“Kei tawh biak piakna-in thuciamna a bawlte, ka micitakte ka kiangah hong khawm un!”

Paunak 27:22

Mihai khat a sih dek dongin na satsat hangin, a hai ngei mah-in hai veve lai ding hi.

1 SAMUEL MASA 25:25

Ka topa in hih a khan’sia mipa Nabal ngaihsun kei in; bang hang hiam cih leh amin mah bangin amah zong ahi hi; Nabal in ama min hi a, haina in amah vukcip hi; ahih hangin na nasemnu keimah in nangma hong sawl na tangvalte ka mu kha kei hi.