Late 85:6 - Tedim Bible

⁶ Nangmah kong phat theih nadingun ko na mite hong nungtasak kik lo ding na hi hiam?

Tedim Bible Revision 2017

⁶ Kote in nangmah kong phat theih nadingun ko na mite hong nungtasakkik lo ding na hi hiam?

Late 85:6 Referans Kwoze

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Late 80:18

Tua ciangin nang kiang panin kote ka kihei kik nawn kei ding uh hi; kote, hong nungtasak in, nangmah kong phat ding uh hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 90:14

Ka nuntak tawntung uh lungdamin ka kipak theih nadingun zingsangin na itna kip tawh kote hong lungkimsak in.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 71:20

Gimna lianpipite hong tuaksak nangmah in keimah nong hing kiksak ding a, lei thukpi sung panin nong lakhiato kik ding hi.

Late 53:6

Zion panin Israelte’ adingin hotkhiatna hong tung ta leh maw! Pasian in ama mite’ nopsakna a piak kik ciangin, Jakob nuamin Israel kipak ding hi.

Late 138:7

Haksatna tuamtuamte ka thuak ciangin kei nong kem hi; a heh ka galte, kei’ tangin nong dosak a, na thahatna tawh kei nong honkhia hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Late 74:1

Pasian aw, bang hangin kote hong paikhia paisuak na hi hiam? Bang hangin nangma gam sunga na tuute tungah heh na hi hiam?

Late 77:8

Ama itna kip bei paisuak ding ahi hiam? Ama thuciamte a bei paisuak ding ahi hiam?

Jeremiah 3:5

nang heh tawntung ding na hi hiam, a tawp dongin lungham den ding na hi hiam?’ nong ci hi. En in, tua bang na cih hangin, na hih theih siatna khempeuh na hih khin zo hi,” a ci hi.