Late 85:4 - Tedim Bible

⁴ Kote’ kihotkhiatna Pasian aw, kote ka ngei uh hong bangsak kik in la, kote tunga na lungkim lohna beisak ta in!

Tedim Bible Revision 2017

⁴ Kote hong hon khia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.

Late 85:4 Referans Kwoze

Late 80:3

Ka ngei uh hong bangsak kik in, Pasian aw, kote hong kihotkhiat theih nadingin na maitang hong taang sak in!

Late 80:7

Ka ngei uh hong bangsak kik in, mihonpite’ Pasian aw; kote a hong kihotkhiat theih nadingin na maitang hong taang sak in!

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Kah la 5:21

Topa aw kote hong kaikhawm kik in! hong kaikhawm kik in! A beisa sau veipi lai mah bangin hong thaksuaksak kik in.

Malakhi 4:6

Amah in pate leh tapate, tapate leh pate lemtuahin kilemsak kik ding hi. Tua bang hi kei leh keimah hong pai-in na gam khempeuh uh ka susiagawp ding hi,”ci hi, a ci hi.

Late 80:19

Ka ngei uh hong bangsak kik in, mihonpite’ Topa Pasian! Kote hong kihotkhiat theih nadingin na maitang hong taang sak in!

Late 27:1

Topa in ka khuavak leh ka kihotkhiatna hi; kua zahtak ding ka hi hiam? Topa in ka nuntakna’ adingin mun muanhuai hi; bang laupih ding ka hi hiam?

Late 25:2

Ka Pasian aw, nang kong muang hi, hong zahhuaisak kei in; ka galte ka tungah gualzo-in lungdam sak kei in.

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Jeremiah 31:18

Efraim’ kahna aw ka za zo a, ‘Topa aw, bawngtal sin loh bangin keimah nong thuhilh khin zo hi. Kong ciahkik theih nadingin hong la kik in, bang hang hiam cih leh nangmah in Topa ka Pasian na hi hi.

Johan 4:22

Note in na theih lohpi uh na bia uh hi. Kote in ka theih uh ka bia uh hi. Bang hang hiam na cih leh, Judah mite sung pan gupna a piang hi.

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tuin, amaute sia ding uh hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Joshua 7:26

Tua ciangin amaute in tu ni donga a om suang honpi Akhan tungah ciang uh hi; tua ciangin Topa’ heh luatna dai hi. Tua ahih ciangin tu dongin tua mun in Akhor Kuam, kici hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Hosea 11:9

Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.