Late 85:12 - Tedim Bible

¹² Hi hi, Topa in a hoih nate hong pia ding a, i leitang in hauhna piangsak ding hi.

Tedim Bible Revision 2017

¹² Topa in a hoih nate eite tungah hong pia dinga, i leitang in hauhna piangsak ding hi.

Late 85:12 Referans Kwoze

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Late 67:6

Leitung in ama hauhna gahkhia khin hi; Pasian, eima Pasian in eite thupha hong pia khin hi.

Siampi Laibu 26:4

keimah in note guahtui amau’ hunin kong pia ding a, leitang in ama gahte hong piangsakin, lo-a kungte in amau’ gah gah ding uh hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Sawltak 21:20

Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Zekhariah 8:12

Lungnuam takin lo kho sing pua-in nuamsa ding uh hi. Leengguite gah pha-in, lo-ah an tampi piang-in, guah tampi zu ding a, a suakta lai ka minamte tungah hih bang thupha khempeuh ka tungsak ding hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Late 72:16

Gam sungah an tampi piang hen la, mualliante dawn-ah dim mema-in Lebanon gam sung bang hen la, gam lak-a lopate bangin khuapite sung panin mite pung ta uh hen!

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Mattiu 13:8

Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Isaiah 32:15

Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Siampi Laibu 25:19

Leitang in gah gahin, note in na kham takun ne-in, tua sungah lungmuang takin na teeng ding uh hi.

Isaiah 45:8

“Vantungte aw, tung lam panin thumanna zusak un la, vantungte in thumanna buasuk ta un. Hotkhiatna a po khiat theih nadingin leitang kihong sak un la, thumanna zong po khiato sak un; keimah Topa in hih thu ka bawl khin zo hi.