Late 84:3 - Tedim Bible

³ Mi honpite Topa, ka kumpi leh ka Pasian aw, na biakna tau-ah, kawlgit nangawn in a inn ding mu a, phialphiah in ama om nading, a note a koihna bu a mu hi.

Tedim Bible Revision 2017

³ Vanglian Topa, ka kumpi le ka Pasian aw, na biakna tau ah, kawlgit nangawn in a inn ding mu a, phialphiah in a om nading, a note a koih nading bu a mu hi.

Late 84:3 Referans Kwoze

Late 90:1

Topa aw, nangmah in khang tawntunga kote omna mun na hi hi.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

Late 116:7

Lungmuang takin ka om ding hi; bang hang hiam cih leh kei tungah Topa hong thunuam hi.

Late 5:2

Ka Kumpi leh ka Pasian aw, nangma tungah hong thum ka hih manin ka kikona aw hong ngai in.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

2 SAMUEL NIHNA 15:25

Tua ciangin kumpipa in Zadok kiangah, “Pasian thuciamna singkuang khuapi sungah pua kik in. Topa’ maipha na muh nak leh, amah in kei hong paipih kikin amah leh a omna mun hong musak kik ding hi;

Late 42:3

Mite in keima tungah, “Na Pasian koi-ah om hiam?” hong cihcih sung teng, sun leh zanin ka khitui an-in ka nei hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.