Late 83:9 - Tedim Bible

^9-10 Endor mun-a kizo gawp, lei lakah a luang uh a muatgawp Midian mite’ tunga na bawl bang leh, Kishon gun-a Sisera leh Jabin-te tunga na bawl bangin amaute tungah bawl in.

Tedim Bible Revision 2017

^9-10 Endor munah a kizo gawp, leilak ah a luang uh a muat gawp, Midian miteʼ tungah na bawl bang leh, Kishon gun-a Sisera le Jabin-teʼ tungah na bawl bangin amaute tungah bawl in.

Late 83:9 Referans Kwoze

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Thukhente 5:21

Kishon guntui khang in amaute tai a, a leeng vanvan tuikhang, Kishon tuikhang in tai hi. Thakhauh takin mai ka nawt suak ding hi!

Isaiah 10:26

Vanglianpen Topa in Oreb suangpi-ah Midian mite a sukgawp bangin, amah in amaute khau tawh sat ding a, Izipt ah a hih bangin amah in a ciangkhut tuite tungah vaan ding hi.

Thukhente 4:7

Keimah in Jabin’ galkap mang Sisera, Kishon gun-ah nang hong dawntuah dingin a leengte leh a galkapte tawh ka kai khia ding hi; na khut sungah amah kong pia ding hi,’ hong ci hi,” a ci hi.

Piancilna 19:37

A u in tapa khat nei-in ama min Moab phuak hi; amah in tu hun-a Moab mite’ pian’na pupi ahi hi.

Piancilna 19:38

A nau in zong tapa khat nei a, a min Ben-ammi phuak hi; amah in tu donga Ammon mite’ pian’na pupi ahi hi.