Late 81:3 - Tedim Bible

³ Kha-det, kha-liik, i pawi ni-in pengkul tum un.

Tedim Bible Revision 2017

³ Khadet, khalik, i pawi ni-in peengkul tum un.

Late 81:3 Referans Kwoze

2 KHANG TANGTHU NIHNATE 2:4

En in, Israelte’ adingin a tawntung ading a kikipsaksa bangin, ama mai-ah a namtui nate ahi paknamtui hal nading leh Ompihna Anlum piak tawntung nading, leh sabbath nite leh khadet nite leh Topa i Pasian’ adingin a kisehsa pawi nite-in zing leh nitakin meihal biaknate piak nadingin Topa ka Pasian’ minin inn khat lamin ama tungah a ap ding ka hi hi.

Gamlak-vakna 15:3

bawnghon pan hita leh tuuhon pan hita leh thuciamna tun’sak nadingin Topa’ tungah meihal biakna ahi a, biak piakna ahi zongin na piak ciang uh hita leh, Topa tungah a gim namtui bawl nadingin ut thu-a biakna hita leh, a kiseh pawi hunte-ah hita leh na piak uh ciangin,

2 KHANG TANGTHU NIHNATE 13:14

Judah mite a khuadak ciangin, en in, amau’ mai leh a nung uhah gal om hi; tua ciangin Topa’ tungah amaute kiko uh a, siampite in a peengkulte uh tum uh hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

2 KHANG TANGTHU NIHNATE 5:12

tua ciangin Levi mi lasate Asaf, Heman, leh Jeduthun, amau’ tapate leh a behte, saihadial puan tawh kizemin, daltuahte, harp lasaknate, leh laiza lasaknate tawi-in peengkul tum siampite za leh sawmnih tawh biakna tau nisuahna lamah ding khawm uh hi;

1 KHANG TANGTHU MASATE 16:42

Heman leh Jeduthun in la aw dingin peengkulte leh daltuahte nei uh a, biakna la sak nadingin lasakna nate nei uh hi. Jeduthun’ tapate kulhkongpi cing dingin kiseh hi.

1 KHANG TANGTHU MASATE 16:6

siampite Benaiah leh Jahaziel-te in Pasian’ thuciamna singkuang mai-ah peengkulte a tum paisuak ding uh ahi hi.

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, leh Eliezer-te in Pasian’ thuciamna singkuang mai-ah peengkulte tum ding uh hi. Obededom leh Jehiah-te zong thuciamna singkuang’ adingin kongcingte hi ding uh hi.

2 KUMPI NIHNATE 4:23

Tua ciangin amah in, “Bang hangin tu ni-in ama kiangah pai ding na hi hiam? Kha det ni ahi a, sabbath ni ahi zongin hilo hi,” a ci hi. Amah in, “Hong hoih na ding hi,” a ci hi.

Thu-hilhkikna 16:15

Topa in a teelna munah ni sagih sung Topa na Pasian uh tungah pawi na bawl ding uh hi; bang hang hiam cih leh note na lungdam khawm theih nadingun na khawhsa leh na khut tawh na sepna khempeuh uhah Topa na Pasian un note thupha hong pia ding hi.

Gamlak-vakna 28:11

“Kha simin a ni masa ni-in Topa tungah meihal biakna na pia ding uh hi: bawngtalno nih, tuutal khat; a sit bang lo kum khat a pha tuuno a pa sagih hi ding hi;

Kolose 2:16

Tua ahih ciangin annek tuidawn ahi zongin, pawikham ni, kha det ni, Nipi ni tawh kipawl thute ahi zongin, note kuamah in kidongin thu kikhensak kei un.

Nahum 1:15

En un, mual tungah kamtaipa hong tai a, gualzawhna thupha hong gen ding ahi hi. Judah mite aw, pawi bawl un la, Pasian’ tunga na ciam bangun gamta un. Bang hang hiam cih leh mi gilote kisusiacip khin a, na gam uh hong simkik ngei nawn lo ding uh hi.

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Late 98:6

Pengkulte leh sa-ki aw tawh Topa, Kumpipa mai-ah lungdamna ging sak un!

1 KHANG TANGTHU MASATE 15:16

Lungdamna aw gin’sak nadingin, la sakna nate, harp lasakna leh laiza lasaknate leh daltuahte nakpi takin tumin la a sa dingin Levi ukpite in a mipihte uh a seh nading David in thu pia hi.

1 KHANG TANGTHU MASATE 15:19

Lasate Heman, Asaf, leh Ethan-te in sumngo daltuahte a tum ding ahi uh hi;

1 KHANG TANGTHU MASATE 25:1

David leh nasepna ah a ukpite in zong laiza lasaknate, harp lasaknate, leh daltuahte tawh mai lam thu a genkhol dingin Asaf, Heman, leh Jeduthunte’ tapate pawlkhat nasepna-a dingin koih tuam uh hi. Na a semte leh amau’ nasepte in:

Late 33:2

Laiza khausai lasakna tawh Topa phat un la, harp zang sawm khausai lasakna tawh ama tungah la ngaih sa un!

Late 149:3

Laamna tawh ama min phat un la, khuang leh laiza lasakna tawh ama tungah langaih sa un!