Late 80:2 - Tedim Bible

² Efraim leh Benjamin leh Manasseh mai-ah taangkhia in! Na tha saan in la, kote honkhia dingin hong pai in!

Tedim Bible Revision 2017

² Efraim, Benjamin le Manassehʼ mai ah taang khia in! Na tha saan inla, kote a hon khia dingin hong pai ta in.

Late 80:2 Referans Kwoze

Late 35:23

Ka Topa ka Pasian aw, ka thu hong thei in la, kei’ adingin nangmah hong kisosuah tawm in!

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Paikhiatna 25:22

Hehpihna tokhom tung, tecipan’na singkuang tunga om kherub nihte' kikal panin nang tawh ka kituah ding a, Israel mite’ adingin nang' tungah thupiakna kong piak dingte khempeuh nang' tungah kong gen ding hi.

1 SAMUEL MASA 4:4

Tua ahih ciangin mite in Shiloh-ah mi paisak uh a, Kherubte tungah a tu Vanglianpen Topa’ thuciamna singkuang tua lai panin hong pua uh hi; Eli’ tapa nihte, Hofni leh Finehas Pasian’ thuciamna singkuang tawh tua lai-ah om uh hi.

1 KUMPI MASATE 8:6

Tua ciangin siampite in kherubte’ kha nuai, Siangtho Pen Mun sung, biakinn sungnung lam-a ama munah Topa’ thuciamna singkuang paipih uh hi.

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherubte tungah a tupa aw, leitung kumpi gam khempeuh lakah nangmah, nangmah bek in Pasian na hi hi; nangmah in vantung leh leitung na bawl hi.

Late 50:2

Hoih kicin’na, Zion panin, Pasian hong taangkhia hi.

Late 99:1

Topa in uk hi; mihonte ling hen! Amah, Kherubte tungah tu hi; leitung liing ta hen!