Late 79:1 - Tedim Bible

¹ Pasian aw, nangma luahna gam sungah dawi biate hong pai uh hi; amaute in nangma biakinn siangtho nin sak uh hi; amaute in Jerusalem siasak khin uh hi.

Tedim Bible Revision 2017

¹ Pasian aw, na luah gam sungah dawi biate hong pai uh hi. Amaute in na biakinn siangtho ninsak gawp uh a, Jerusalem khuapi siasak gawp khin uh hi.

Late 79:1 Referans Kwoze

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.

Kah la 1:10

A galte in a neih a lam khempeuh a laksak hi. Biakinnpi sungah lut uh a, Topa in Gentailte pai nading a khamna munah a lut uh a mu uh hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

Paikhiatna 15:17

Nang in amaute hong paipihin nangma' mual tungah amaute na suan ding a, Topa aw, nangma' om nading mun-a na bawlsa munah, Topa aw, na khutte in a phuhsa na biakinn-ah, na koih ding hi.

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Ezekiel 9:7

Tua ciangin amaute kiangah, “Biakinn ninsak un. A tual tengah siluang hawm dimsak un. Tu-in kipan un,” ci hi. Tua ahih ciangin amaute kuan khia-in khua sungah mite thah ding kipan uh hi.

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Isaiah 63:18

Nangma misiangthote in na biakinn tawl khat sung bek nei uh hi; ko hong langpangte in tua pen tuancil gawp khin hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.