Late 78:5 - Tedim Bible

^5-8 Amaute pen Pasian’ tunga lungsim thuman lo, lungsim kip a nei lo khang mi, lungsim khauh-in a lehdo khang mite ahi, amau’ pate tawh kibang loin, amaute in Pasian’ sungah amau lametna koihin, Pasian’ nasepnate mangngilh loin, ama thupiakte zui-in, a suak nai lo naupangte, hong piang kik khangthakte in a thute thei-in, amaute dingkhia-in amau’ tu leh tate tungah a thute a gen theih nadingin, amah in i pate in a tate a hilh sawn dinga a sawl ahi, Israel sungah thukham khat koihin, Jakob sungah teci pan’na khat a koih hi.

Tedim Bible Revision 2017

^5-8 Amaute pen Pasian tungah a lungsim thuman lo, lungsim kip a nei lo khangmi, lungsim khauhin a lehdo khangmi, amauʼ pu le pate tawh kibang loin, amaute in Pasian sungah amauʼ lametna koihin, Pasianʼ nasepnate mangngilh loin, ama thupiakte zui-in, a suak nai lo naupangte, a hong piangkik khang thakte in a thu thei-in, amaute ding khia-in amauʼ tuletate tungah a thu a gen theih nadingin, amah in, i pate in a tate a hilh sawn dinga a sawl ahi, Israel sungah thukham khat koihin, Jakob sungah teci panna khat a koih hi.

Late 78:5 Referans Kwoze

Thu-hilhkikna 6:7

na tate uh tungah lim takin na hilh ding uh a, na inn sung uhah na tut ciang, lampi-ah na pai ciang, na lup ciang leh na thawh ciangun tua thute na gengen ding uh hi.

Efesa 6:4

Pate aw, na tapate na tanute uh heh nading bawl kei un. Pasian’ deihna tawh kituakin tai-in hilh un la, vaak un.

Late 81:5

Amah in, Izipt gamah a pai lai-in Israel mite tungah thu piakna-in nei hi. Keimah in ka theih ngei loh kampau khat hih bangin ka za hi.

Thu-hilhkikna 4:45

-

Isaiah 38:19

Tu ni-a keima bawl bangin, a hing mi, a hing mi bekin nang tungah lungdamna hong ko thei hi; pate in tate tungah nangma thumanna gen sawn uh hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Thu-hilhkikna 11:19

Na tate uh tungah na hilh ding uh a, na inn sung uhah na tut laitak, lampi ah na pai laitak, leh na lup ciang leh na thawh ciangun tuate genin na nei ding uh hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

ROM (Romans) 3:2

A pawlpawl phattuamna tampi a om hi. A lianbel phattuamna ahih leh, amaute kiangah Pasian’ thu a kipia zo hi.

Late 147:19

Amah in Jakob tungah ama thu gen a, Israel tungah ama ngeina kipte leh ama biakna ngeina kipte a gen hi.

Late 19:7

Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Paikhiatna 40:3

Nangmah in tua sungah tecipan’na singkuang na koih ding a, nangmah in dalna puan tawh singkuang na dal ding hi.

Paikhiatna 25:21

Singkuang tungah hehpihna tokhom na koih ding hi; singkuang sungah nang kong piak ding tecipan’na na koih ding hi.

Late 119:152

Tuate a tawntunga kip dinga na bawl ahihna thu, nangma thuhilhnate panin sawtpi-in ka thei hi.

Paikhiatna 25:16

Nang' tunga kong piak ding tecipan’na nangmah in singkuang sungah na koih ding hi.

Paikhiatna 40:20

Topa in Moses a thupiaksa bangin amah in tecipan’na la-in singkuang sungah koih a, singkuang tungah zawlte koihin, singkuang tungah hehpihna tokhom nga hi;

Paikhiatna 12:27

note in, ‘Topa’ paisanna biak piakna ahi hi, bang hang hiam cih leh amah in eite’ innkuante hong khawi-in Izipt mite a thah lai-in Izipt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin bia uh hi.

Thu-hilhkikna 31:13

Jordan gal khatah a luah dingin na paina gam uhah na nuntak lai tengun amaute in a thu za-in Topa na Pasian uh zahtak ding a theih nading, leh hih thukham thute khempeuh lim takin a sep theih nading, leh hih thu a thei nai lo amau’ tate in Topa na Pasian uh zahtak ding a theih nadingun, numei, pasal, leh naupangte, leh na khuapite uh sunga om peemtate, mi khempeuh khawm un,” a ci hi.

Thu-hilhkikna 32:46

amaute kiangah, “Hih thu khempeuh lim takin a hih theih nadingun na tate uh tungah na hilh theih nadingun, tu ni-a note tungah kong piak thu khempeuh na lungsim uhah koih un.