Late 73:16 - Tedim Bible

¹⁶ Ahih hangin, hih thu a bangci hiam ci-a ka ngaihsut ciangin kei adingin a lunggim-huai mahmah nasep khat hong suak a,

Tedim Bible Revision 2017

¹⁶ Ahih hangin hih thu a bangci hiam, ci-in ka ngaihsut ciangin kei adingin a lunggimhuai mahmah nasep khat hong suak a,

Late 73:16 Referans Kwoze

Thuhilh-sia 8:17

Pasian’ nasepna i theih zawh lohna ka phawk hi. Mihingte in bangzahin i hahkat hangin kithei khia zo lo hi. Mipilte in thei a kisak hangun, bangmah thei lo uh hi.

ROM (Romans) 11:33

Pasian’ hauhna leh pilna leh siamna in bang zahin thuk hiam! A thukhennate kuamah in thei zo lo hi! A paina lampi zui-in i zon’ hangin i mu zo kei hi!

Late 97:2

Meiipite leh khuamial sahpite ama kiim-ah om a, thumanna leh thutan’nate in ama tokhom’ bulpi ahi hi.

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Late 36:6

Na thumanna in Pasian’ mualte tawh kibang a, na thukhennate in tuipi thuk tawh kibang hi; mihing leh ganhing na hon hi, Topa aw.

Thuhilh-sia 1:17

Pilna leh haina, theihna leh mawkna, a kilamdan’na ka zong hi. Ahi zongin tua bang ka hahkatna zong a mawknapi ahih lam ka phawk hi.