Late 73:1 - Tedim Bible

¹ A lungsim sung a siangtho, thutangte tungah Pasian hoih takpi hi.

Tedim Bible Revision 2017

¹ Israel mite bangin a lungsim a siangtho a thutang mite tungah Pasian hoih takpi hi.

Late 73:1 Referans Kwoze

Mattiu 5:8

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Late 83:1

Pasian aw, dai dide-in om kei in; lung nuamin, taang loin om kei in, Pasian aw!

Late 73:18

Nangmah in amaute mun nalna-ah na koih takpi a, a sia dingin amaute na tuksak hi.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

Late 24:4

Khut siangtho leh lung siangtho a nei, a man lo-ah a nuntakna pia loin, khemna tawh a kiciam lo mite ahi hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

1 KHANG TANGTHU MASATE 16:37

Tua ahih ciangin David in ni sim-a a kisam bangin thuciamna singkuang mai-ah na a sem tawntung dingin Asaf leh a Levi mipihte Topa’ thuciamna singkuang mai-ah nusia a,

1 KHANG TANGTHU MASATE 16:7

Tua ciangin tua ni-in David in Asaf leh a Levi mipihte in Topa’ tungah lungdamkohna la a sak ding seh masa hi.

1 KHANG TANGTHU MASATE 15:17

Tua ahih ciangin Levi mite in Joel’ tapa Heman seh uh hi; tua ciangin a behte sung panin Berekhiah’ tapa Asaf; Merari minam sung panin a behte uh Kushaiah’ tapa Ethan;

1 KHANG TANGTHU MASATE 6:39

Asaf in lasa pawl a nihna a makaipa hi a, ama khangsimna a pupi Levi lam manawhin kileh simto hi. Tuate in: Asaf, a pa Berekhiah, a pa Shimea,