Late 72:8 - Tedim Bible

⁸ Ama ukna in tuipi khat pan tuipi khat, Gunpi panin leimong dongin om ta hen!

Tedim Bible Revision 2017

⁸ Ama ukna, tuipi khat pan tuipi khat, Gunpi panin leimong dongin om tawntung tahen.

Late 72:8 Referans Kwoze

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Paikhiatna 23:31

Keimah in San Tuipi panin Filistia mite’ tuipi ciang leh gamlak panin Eufrates gun ciang dongah na gamgite uh ka phut ding hi; bang hang hiam cih leh tua gam-a teeng mite note’ khut sungah kong pia ding a, note in na mai uh-ah amaute na hawlkhia ding uh hi.

Late 89:25

Mediterranean Tuipi-a kipan Eufrates Gunpi dong amah ka uksak ding hi.

Late 80:11

tuipi lamah a hiangte zam-in, a dawnngekte in Gunpi lam zuan hi.

Late 2:8

Keima tungah hong ngen in; nangma luah dingin minamte ka bawl ding a, leimong dongin nangma neihsa ka hisak ding hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Late 89:36

Ama suan-le-khakte kizom paisuak ding a, van-a ni a taan’lai teng, a kumpigam ka kip sak ding hi.

1 KUMPI MASATE 5:1

Amaute in ama pa’ munah kumpi-in amah sathau a nilhna thu a zak ciangin Tai-ar kumpi Hiram in a nasemte Solomon kiangah sawl hi; bang hang hiam cih leh Hiram in David it tawntung hi.