Late 72:5 - Tedim Bible

⁵ Ni leh kha a om lai teng, khang tawntungin amah hing ta hen!

Tedim Bible Revision 2017

⁵ Ni le kha a om lai teng, khang tawntungin amah hing tahen.

Late 72:5 Referans Kwoze

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Late 72:17

Ama min kip tawntung hen la, ni a om lai teng a minthan’na kip suak hen! Ama hangin mite in thupha ngah hen la, minam khempeuh in amah pen thupha ngahpa, ci ta uh hen!

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Late 89:29

Ama suan-le-khakte, kumpi ka hisak ngitnget ding a, a kumpigam, vantung bangin ka kipsak ding hi.

Late 72:7

Ama hun sungin thumanna pung hen la, khapi a bei mateng nopna om ta hen!

1 KUMPI MASATE 3:28

Tua ciangin Israel khempeuh in kumpipa’ piak thukhenna za uh hi; thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in om uh hi.

1 SAMUEL MASA 12:18

Tua ahih ciangin Samuel in Topa tungah thungen a, Topa in tua ni-in vanging sakin guah zusak hi; tua ciangin mi khempeuh in Topa leh Samuel nakpi takin zahtak uh hi.