Late 71:7 - Tedim Bible

⁷ Mi tampi’ adingin sia-hil bang ka hih hangin nangmah in a muan’huai keima belh na hi hi.

Tedim Bible Revision 2017

⁷ Mi tampite adingin a siahil bang ka hih hangin nang pen a muanhuai, keima belh na hi hi.

Late 71:7 Referans Kwoze

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

1 KORIN MASA 4:9

Thah dinga kikoih mite bangin, mi khempeuh nungah sawltak kote, Pasian in hong lak zo hi ci-in ka um hi. Bang hang hiam na cih uh leh, vantungmite leh leitungmite mai-ah pawikham siim mi-in hong kikoih hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Late 62:7

Keima suahtakna leh ka minphatna Pasian’ hang ahi hi; a muan’huai ka suangpi, ka bukna in Pasian ahi hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Zekhariah 3:6

Tua ciangin Topa’ vantungmi in Joshua kiangah lim takin thu gen a,

Late 61:3

bang hang hiam cih leh nangmah in keima bukna na hi a, galte’ langah tausang muan’huai na hi hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

Late 62:9

Mineute ahih leh husan’ bang bek hi a, miliante pen a hawmpi ahi hi; tawikhaina-ah amaute in lek lo uh hi; amaute a kigawmin husan’ khat sangin zangzaw uh hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.