Late 71:5 - Tedim Bible

⁵ Topa aw, bang hang hiam cih leh ka neu lai-a kipanin nangmah in keima lametna, ka muan’na na hi hi, Topa aw.

Tedim Bible Revision 2017

⁵ Bang hang hiam cih leh Topa Pasian aw, ka neu lai a kipanin ka hong lamet, ka hong muan na hi hi, Topa aw.

Late 71:5 Referans Kwoze

Jeremiah 17:7

“Topa muangin, Topa a beel mi in thupha a ngah hi.

Late 39:7

“Tu-in Topa aw, ke’n bang ngak lai ka hi hiam? Ka lametna nang sungah om hi.

Late 71:17

Pasian aw, ka khangno lai-a kipanin nong thuhilh a, a lamdang na nasepnate ka gengen lai hi.

Late 119:81

Nong hotkhiat ding ka ngakngakna-in ka tha bei ta hi; nangma thu muangin ka lamen hi.

Jeremiah 17:17

Kei hong lausak kei in; gimna hong tun’ cianga kong belhpa na hi hi.

Late 119:166

Topa aw, nangma hong hotkhiat ding ka ngak a, nangma thupiaknate ka sem hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gamsung uhah mikhual bangin om-in khualzin, zan khat bek a taam bangin hong om na hi hiam?

Luka 2:40

Naupang khangto a, a thahatna khang a, lungpilna tawh a kidim hi. Pasian’ hehpihna thupha zong ama tungah a om hi.

Late 13:5

Ahih hangin na itna kip ka muang a, nangma hotkhiatna sungah ka lungdam ding hi.

1 SAMUEL MASA 16:13

Tua ciangin Samuel in a sathau biing sunga sathau la-in a sanggamte laizangah amah sathau nilh hi. Tua ni a kipanin Topa’ Kha khauh takin David tungah hong tung hi. Tua ciangin Samuel ding-in Ramah ah ciah hi.

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.

Thuhilh-sia 12:1

Na lungkham hun ding hong tun’ ma, “Nuntakna nuamsa kei ing,” na cih ma hun, na khangno lai takin nang hong Piangsakpa phawk in.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.