Late 71:2 - Tedim Bible

² Na thumanna tawh keimah hong gum in la hong honkhia in; kei lamah na bil hong ngat in la hong hon in!

Tedim Bible Revision 2017

² Na thumanna tawh kei hong huh inla, hong hon khia in. Keima lamah na bil hong ngat inla, hong hon in.

Late 71:2 Referans Kwoze

Late 31:1

Topa aw, nang kong bel hi; hong maizumsak ngei kei in la, na thumanna tawh kei hong honkhia in!

Late 17:6

Pasian aw, hong dawng ding na hih manin nang kong sam hi; na bil hong ngat in la ka thu hong za in.

Late 143:11

Topa aw, nangma min na ngaihsutna-in keima nuntakna hong kem in! Nangma thumanna tawh kituakin haksatna panin kei hong paikhiatpih in!

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Late 143:1

Topa aw, ka thungetna hong za in la, ka thuumnate hong ngai in! Na thumanna leh na thutakna tawh kizui-in kei hong dawng in!

Late 43:1

Pasian aw, ka dikna hong langsak in la, migilote tawh ka thu-ah hong panpih in; mi kheemte leh thutang lote kiang panin kei hong honkhia in!

Late 34:15

Topa' mit in thumante’ lam en a, a bil in amau kikona lam nga hi.

Late 17:2

Ka tan’na nangma kiang panin hong kilangsak ta in! Na mitte thuman musak ta in!

Late 31:2

Na bil hong ngat in la, hong hon pak in! Ka belh ding suangpi hong hi in la, kei hong dal ding munkip muan’huai hong hi in!