Late 70:4 - Tedim Bible

⁴ Nangmah hong zongte khempeuh lungdamin nangma sungah kipak ta hen! Na hotkhiatna a deihte in, “Pasian in lian hi!” ci ci ta hen.

Tedim Bible Revision 2017

⁴ Nang hong zongte khempeuh lungdam mahmah in na min hangin kipak tahen. Na hotkhiat ding a utte in, “Pasian lian hi,” cici tahen.

Late 70:4 Referans Kwoze

Kah la 3:25

Amah a muang khempeuh adingin Topa in a hoih hi.

Late 40:16

Ahih hangin nang hong zongte khempeuh nang sungah nuamin kipak hen la, na gupkhiatna a deihte in, “Topa in lian hi!” ci ngitnget uh hen.

Late 35:27

Kei’ thutan’na lah khiat ding a deihte lungdamin, awng-in, kipaksak in la, a tawntungin, “A nasempa’ hoihna-ah a lungkim Topa lian hi,” cici sak in.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Late 97:12

Thuman mite aw, Topa sungah lungdam un la, ama min siangtho phat un!

Johan 16:20

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.

Late 5:11

Ahih hangin nang hong belte khempeuh lungdam sak in la, nuamna la sasak tawntung in; na min a deihte, nangma sungah gualzo-a a lungdam theih nadingin amaute na hu hi.