Late 70:2 - Tedim Bible

² Kei, thah hong sawmte maizumin kibuaigawpsak in! Keima siat nading a deihte nungkiksak in la, mindaisak in!

Tedim Bible Revision 2017

² Kei, thah hong sawmte maizumin kibuai gawpsak in. Keima siat nading a deihte nungkiksak inla, mindaisak in.

Late 70:2 Referans Kwoze

Late 35:26

Kei’ kamsiatna-ah a lungdamte maizumsak in la zahhuai gawp sak in! Kei tunga hong kiliansakte maizumna leh mindaina silh sak in!

Late 35:4

Kei hong sawmte mai zumin mindaisak ta in! Keima siat nading a bawlte nungkiksak in la siasak ta in!

Johan 18:6

Tua lai takin Zeisu in, “Kei tua pa ka hi hi,” ci-in a gen ciangin amaute nunglamah kin uh a, lei ah a puk uh hi.

Isaiah 41:11

En in, nangma tunga a heh mite khempeuh maizumna kithuaksakin kikoih khong ding hi; nangmah hong dem mite pen a mawkna suakin siatna thuak ding uh hi.

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen!

Late 71:13

Kei hong mawhsakte zahhuai-in beimang uh hen la, keima siat nading a zongte, simmawhna leh minsiatna in tuamcip ta hen.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Late 6:10

Ka galte khempeuh zahhuai in genthei mahmah ding uh hi; amaute in nungkik-in, maizumna thuak pah ding uh hi.

Late 22:12

Bawngtal tampi in kei hong umcih a, Bashan gam bawngtal hatte in kei hong umcih uh hi;

Late 22:20

Namsau panin keimah hong hon in la, ui’ thahatna panin ka nuntakna hong hon in.

Late 40:14

Kei, thah dingin a hong zongte zahhuaisak in la maisia sak in; keima siat nading a deihte nungkiksak in la minsia sak in!

Late 71:12

Pasian aw, kei kiang panin gamla om kei in; ka Pasian aw, keimah huh dingin hong manlang in!

Late 141:1

Topa aw, nang kong sam hi; hong kinawh in! Nang kong sap ciangin ka aw hong ngai in!