Late 7:8 - Tedim Bible

⁸ Topa in mite thukhen hi; Topa aw, ka thumanna leh ka sunga om keima dikna tawh kizui-in thu hong khen in.

Tedim Bible Revision 2017

⁸ Topa in mite thu a khen hi. Topa aw, ka thumanna le keima sunga om ka dikna tawh kizui-in thu hong khen in.

Late 7:8 Referans Kwoze

Late 43:1

Pasian aw, ka dikna hong langsak in la, migilote tawh ka thu-ah hong panpih in; mi kheemte leh thutang lote kiang panin kei hong honkhia in!

1 THESALONIKA MASA 2:10

Amahmah Gam leh a vangliatna sungah hong sam, hong tungsak Pasian tawh a kilawm a kituak na gamtat nadingun pa in a tate a bawl mah bangin kote in note khempeuh bang ci bangin kong hansuah uh a, kong vaikhak uh note in na theih uh mah bangin upna sungah a tung note lakah kote in, bang ci bangin siangthoin, mawhsak nading om loin ka om uh note in, kote ading teci pang mi na hi uh hi; Pasian in zong ko ading teci pang mi ahi hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Late 78:72

Amah in, lungsim thutang tawh amaute cingin, a siam mahmah a khut tawh amaute lam lak hi.

Late 26:1

Topa aw, a hoih-in gamta-in, lungka loin Topa muang ka hih manin, ka thutan’na hong lak in.

Late 41:12

Ahih hangin keima kicin’na hangin nong huh a, nangma omna-ah kei nong koih den hi.

Late 26:11

Ahih hangin kei ahih leh, ka hoih gamtat hi; hong tankhia in la kei hong hehpih in.

Late 25:21

Nang hong ngak ka hih manin, kicin’na leh thutan’na in kei hong kem ta hen.

Late 11:4

Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

Late 9:8

leitung mite’ thu a manin khen a, a kilawm bangin mite’ thu khen hi.

2 KHANG TANGTHU NIHNATE 20:12

Kote’ Pasian aw, amaute’ tungah thu khen lo ding na hi hiam? Bang hang hiam cih leh kote do dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Piancilna 31:53

Abraham’ Pasian leh Nahor’ Pasian, amau pate’ Pasian in eite' kikal-ah thu khen ta hen,” ci hi. Tua ahih ciangin Jakob in ama' pa Isaak' Zahtakpa tawh kiciam hi,

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Paunak 19:1

Zuau gen-a mihai hihna sangin, citak-a zawn’ khiukheuna hoihzaw hi.

Late 82:1

Pasian in thu vaihawm kikhopna sungah ama panmun hong len a, amah in pasiante lakah thu a khen hi.