Late 7:7 - Tedim Bible

⁷ Mite nangma kim-ah kikhawmsak in la, amau tung a san’na munah tu in.

Tedim Bible Revision 2017

⁷ Nangma omna kiimah mite kikhawmsak inla, amauteʼ omna tung a sangna munah tu in.

Late 7:7 Referans Kwoze

Mangmuhna 19:2

A thukhenna a man a dik hi. Bang hang hiam i cih leh, a gilo nu leh pa khialhna tawh leitungmite a siasak nuam numei gilo tungah thu khenin, a sisa a silate’ sisan hangin ama tungah daan a tat zo hi,” ci-in a gen uh hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Late 93:4

A sangna-a om Topa vanglian hi, tui tampi gingte sangin vanglian zaw hi, tuipi hualte sangin vanglian zaw hi.

Late 48:11

Zion Mual lungdam sak in! Na thukhenna hangin Judah’ mite lungdam sak in!

Late 35:23

Ka Topa ka Pasian aw, ka thu hong thei in la, kei’ adingin nangmah hong kisosuah tawm in!

Late 43:1

Pasian aw, ka dikna hong langsak in la, migilote tawh ka thu-ah hong panpih in; mi kheemte leh thutang lote kiang panin kei hong honkhia in!

Late 59:5

Nang, Vanglianpen Topa Pasian in, Israel’ Pasian na hi hi. Minam khempeuh daantat dingin tho in la, khemna tawh siat gamtat ding a sawmte kuamah siit kei in.